រាជធានីភ្នំពេញ ៖ នគរបាលចរាចរណ៍ខណ្ឌចំការមន សហការជាមួយនគរបាលចរាចរណ៍រាជធានីភ្នំពេញ បានបន្តចុះអប់រំណែនាំដល់អ្នកដែលធ្វេីដំណេីរបើកបរបញ្ច្រាសទិសសញ្ញាចរាចរណ៍ ។ ជាក់ស្ដែង នៅថ្ងៃ២៤ ខែមិថុនា ឆ្នាំ២០២៥…
រាជធានីភ្នំពេញ ៖ នគរបាលចរាចរណ៍ខណ្ឌចំការមន សហការជាមួយនគរបាលចរាចរណ៍រាជធានីភ្នំពេញ បានបន្តចុះអប់រំណែនាំដល់អ្នកដែលធ្វេីដំណេីរបើកបរបញ្ច្រាសទិសសញ្ញាចរាចរណ៍ ។
ជាក់ស្ដែង នៅថ្ងៃ២៤ ខែមិថុនា ឆ្នាំ២០២៥ កម្លាំងផ្នែកសណ្ដាប់ធ្នាប់នៃអធិការដ្ឋាននគរបាលខណ្ឌចំការមន សហការជាមួយកម្លាំងការិយាល័យនគរបាលចរាចរណ៍ផ្លូវគោករាជធានីភ្នំពេញ បន្តចុះអនុវត្តអប់រំណែនាំដល់បងប្អូនប្រជាពលរដ្ឋដែលបានបើកបរបញ្ច្រាសទិសសញ្ញាចរាចរណ៍ តាមមហាវិថីព្រះនរោត្តម នៅចំណុចពី B៤ ដល់កែងអតីតសណ្ឋាគារតាយម៉េងដោយបានធ្វើការអប់រំណែនាំដល់អ្នកបើកបរចំនួន១១នាក់ ក្នុងនោះអ្នកបើកម៉ូតូកង់បីម្នាក់ និងអ្នកបើកម៉ូតូចំនួន១០នាក់ ដែលបើកបរល្មើសច្បាប់ចរាចរណ៍ ។
ក្រោយពីធ្វើការណែនាំ និងអប់រំពន្យល់ពីការជិះបញ្ច្រាសទិសចរាចរណ៍ ដែលប្រឈមទៅនឹងគ្រោះថ្នាក់ និងបង្កការកកស្ទះតាមដងផ្លូវ ផងនោះ សមត្ថកិច្ចក៏បានអនុញ្ញាតឱ្យត្រឡប់ទៅវិញ
និងឲ្យបញ្ឈប់ការជិះបញ្ច្រាសទិសចរាចរណ៍បន្តទៀត ដែលជាការប្រឈមនឹងគ្រោះថ្នាក់ជាយថាហេតុ ៕
ចែករំលែកព័តមាននេះ