រាជធានីភ្នំពេញ ៖ កាលពីវេលាម៉ោង៣និង១០នាទីរសៀល ថ្ងៃទី២៥ ខែមិថុនានេះ អគារសិប្បកម្មវេចខ្ចប់ចេកចែកចាយក្នុងស្រុកមួយកន្លែង ដែលទើបតែដំណើរការបានរយៈពេលកន្លះខែប៉ុណ្ណោះ ក៏ស្រាប់តែត្រូវបានអគ្គិឆាបឆេះ បណ្ដាលឲ្យរងកាេខូចខាតដែលភ្លាមៗត្រូវបានសង្ស័យបង្កឡើងដោយហេតុការណ៍ឆ្លងចរន្តអគ្គិសនី ប៉ុន្តែទោះជាបែបណាសមត្ដកិច្ចកំពុងធ្វើការស្រាវជ្រាវរកមូលហេតុនៅឡើយ…
រាជធានីភ្នំពេញ ៖ កាលពីវេលាម៉ោង៣និង១០នាទីរសៀល ថ្ងៃទី២៥ ខែមិថុនានេះ អគារសិប្បកម្មវេចខ្ចប់ចេកចែកចាយក្នុងស្រុកមួយកន្លែង ដែលទើបតែដំណើរការបានរយៈពេលកន្លះខែប៉ុណ្ណោះ ក៏ស្រាប់តែត្រូវបានអគ្គិឆាបឆេះ បណ្ដាលឲ្យរងកាេខូចខាតដែលភ្លាមៗត្រូវបានសង្ស័យបង្កឡើងដោយហេតុការណ៍ឆ្លងចរន្តអគ្គិសនី ប៉ុន្តែទោះជាបែបណាសមត្ដកិច្ចកំពុងធ្វើការស្រាវជ្រាវរកមូលហេតុនៅឡើយ ។
សិប្បកម្មវេចខ្ចប់ចេកដែលរងការឆាបឆេះខាងលើនោះយីហោ«CAMBODIA BANANA » មានទីតាំងស្ថិតនៅតាមផ្លូវ៦៨K ក្នុងភូមិចំការឪឡឹក១ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។
ម្ចាស់សិប្ប្ម្មកម្មខាងលើឈ្មោះ HU SHENGJIANG អាយុ៣៦ឆ្នាំ ជនជាតិចិន ហើយអគារនោះជាប្រភេទសំណង់ដែកប្រក់សង្ក័សីទំហំ ១០ម៉ែត្រ x ៦០ម៉ែត្រហើយខូចខាត បន្ទប់វេចខ្ចប់ចេក១ទំហំ៤ម៉ែត្រx២០ម៉ែត្រ រួមទាំងសម្ភារៈនិងចេកបន្ទំមួយចំនួនធំទៀតផងដែរ ។
សមត្ថកិច្ចបានប្រាប់ឲ្យដឹងថា សិប្បកម្មវេចខ្ចប់ចេកមួយនេះទើបតែចាប់ផ្ដើមដំណើរការជ្រើសរើកម្មករដើម្បីចូលធ្វើការបានរយៈពេលកន្លះខែតែប៉ុណ្ណោះ ហើយនៅវេលាកើតហេតុ ស្រាប់តែមានការឆាបឆេះបន្ទប់វេចខ្ចប់ចេកក្នុងអគារសិប្បកម្មនោះសន្ធោសន្ធៅ ។ ភ្លាមៗនោះកម្មករប៉ុន្មាននាក់ដែលស្ថិតនៅទីនោះបាននាំគ្នាយកបំពង់ពន្លត់អគ្គិភ័យធំនិងតូចជាច្រើនបំពង់ទៅបាញ់ពន្លត់ ប៉ុន្តែពន្លត់មិនឈ្នះឡើយ ទើបសុំជំនួយពីអាជ្ញាធរនិងសមត្ថកិច្ចខណ្ឌពោធិ៍សែនជ័យឲ្យជួយ ។
ប្រភពដដែលបានប្រាប់ឲ្យដឹងបន្តទៀតថា ពេលនោះអាជ្ញាធរបានចុះទៅកាន់ទីនោះនិងបានផ្ដល់ដំណឹងដល់រថយន្តពន្លត់អគ្គិភ័យចេញទៅបាញ់ពន្លត់ ហើយក៏មានថយន្តពន្លត់អគ្គិភ័យទៅដល់ច្រើនគ្រឿងជាបន្តបន្ទាប់ ។ ក្នុងនោះមានរថយន្តការិយាល័យបង្ការ ពន្លត់អគ្គិភ័យនិងសង្គ្រោះនៃស្នងការដ្ឋាននគរបាលរាជធានីភ្នំពេញ និងរថយន្តពន្លត់ន្លត់អគ្គីភ័យ ក្រុមហ៊ុនស្រាបៀរកម្ពុជា ហើយបានពន្លត់រលត់ទៅវិញទាំងស្រុងនៅវេលាម៉ោង៣និង៥០នាទីថ្ងៃខែឆ្នាំដដែលនោះ មិនបណ្ដាលឲ្យឆេះរាលដល់កន្លែងផ្សេងទៀតឡើយ ៕
ចែករំលែកព័តមាននេះ