ខេត្តកណ្ដាល ៖ អគ្គិភ័យដែលឆាបឆេះរោងចក្រផលិតក្រដាសជូតមាត់ នៅតាមបណ្ដោយផ្លូវជាតិលេខ៥ ស្ថិតក្នុងឃុំព្រែកតាទែន ស្រុកពញាឮ ខេត្តកណ្ដាល បានរលត់ទាំងស្រុងហើយ នៅវេលាម៉ោងជាង៩យប់ ថ្ងៃទី១៣…
ខេត្តកណ្ដាល ៖ អគ្គិភ័យដែលឆាបឆេះរោងចក្រផលិតក្រដាសជូតមាត់ នៅតាមបណ្ដោយផ្លូវជាតិលេខ៥ ស្ថិតក្នុងឃុំព្រែកតាទែន ស្រុកពញាឮ ខេត្តកណ្ដាល បានរលត់ទាំងស្រុងហើយ នៅវេលាម៉ោងជាង៩យប់ ថ្ងៃទី១៣ ខែឧសភា ឆ្នាំ២០១៨នេះ។ សម្រាប់ប្រតិបត្តិការនេះកម្លាំងសមត្ថកិច្ចបានប្រើប្រាស់រថយន្ដពន្លត់ អគ្គិភ័យអស់១២គ្រឿង ក្នុងនោះមកពីស្នងការដ្ឋាននគរបាលខេត្តកណ្ដាល, អគ្គស្នងការដ្ឋាននគរបាលជាតិ, ស្នងការដ្ឋាននគរបាលរាជធានីភ្នំពេញ និងក្រុមហ៊ុនតេលា ដែលឈរជើងក្បែរនោះ។
ទោះជាយ៉ាងណា សម្រាប់គ្រោះអគ្គិភ័យមួយនេះ មិនបានបង្កឲ្យនរណាម្នាក់ រងគ្រោះថ្នាក់នោះទេ គ្រាន់តែខូចខាតសម្ភារអស់មួយចំនួនតែប៉ុណ្ណោះ។ សម្រាប់មូលហេតុវិញ មិនទាន់អាចបញ្ជាក់លម្អិតនៅឡើយទេ ព្រោះកម្លាំងជំនាញកំពុងស្រាវជ្រាវ និងសួរនាំសាក្សី ប៉ុន្ដែគ្រាន់តែបញ្ជាក់ថា ដំបូងឡើងប្រជាពលរដ្ឋឃើញផ្សែងហុយចេញពីឃ្លាំងស្ដុកក្រដាស រួចរត់ទៅប្រាប់សន្ដិសុខ ក៏ឃើញអណ្ដាតភ្លើងចេញមកតែម្ដង៕
ចែករំលែកព័តមាននេះ