សមាជិកអតីតយុទ្ធជនបានទទួលអំណោយផ្ទះ
ខេត្តសៀមរាប ៖ កាលពីថ្ងៃទី១២ ខែឧសភា ឆ្នាំ២០១៨ នៅភូមិគ្រួស សង្កាត់ស្វាយដង្គំ ក្រុង-ខេត្តសៀមរាប មានពិធីប្រគល់ផ្ទះរបស់សម្តេចតេជោ ហ៊ុន…
ខេត្តសៀមរាប ៖ កាលពីថ្ងៃទី១២ ខែឧសភា ឆ្នាំ២០១៨ នៅភូមិគ្រួស សង្កាត់ស្វាយដង្គំ ក្រុង-ខេត្តសៀមរាប មានពិធីប្រគល់ផ្ទះរបស់សម្តេចតេជោ ហ៊ុន…
ខេត្តសៀមរាប ៖ កាលពីថ្ងៃទី១២ ខែឧសភា ឆ្នាំ២០១៨ នៅភូមិគ្រួស សង្កាត់ស្វាយដង្គំ ក្រុង-ខេត្តសៀមរាប មានពិធីប្រគល់ផ្ទះរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជាតំណាងតាមរយៈលោកឧត្តមសេនីយ៍ឯក កែវ ធី នាយរងសេនាធិការចំរុះនៃកងយុទ្ធពលខេមរៈភូមិន្ទនិងជាមេបញ្ជាការកងពលធំអន្តរាគមន៍លេខ២ សមាជិកសមាគមអតីតយុទ្ធជនខេត្តសៀមរាប អមដំណើរដោយអស់លោក ដែលជាក្រុមការងារអតីតយុទ្ធជនខេត្ត-ក្រុងជាច្រើនអ្នកទៀតបានអញ្ជើញចូលរួមក្នុងពិធីប្រគល់ផ្ទះដល់លោក ហួច ហេង អាយុ៥២ឆ្នាំ ជាសមាជិកសមាគមអតីតយុទ្ធជនកម្ពុជា រស់នៅភូមិគ្រួស សង្កាត់ស្វាយដង្គំ ក្រុងសៀមរាប ។
នៅក្នុងពិធីនោះ លោកឧត្តមសេនីយ៍ឯក កែវ ធី នាយរងសេនាធិការចំរុះនៃកងយុទ្ធពលខេមរៈភូមិន្ទនិងជាមេបញ្ជាការកងពលធំអន្តរាគមន៍លេខ២សមាជិកសមាគមអតីតយុទ្ធជនខេត្តសៀមរាប បានមានប្រសាសន៍ថា លោកសូមពាំនាំនូវការផ្តាំផ្ញើរសាកសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានិងជាប្រធានសមាគមអតីតយុទ្ធជនកម្ពុជា ដែលជានិច្ចកាលលោកតែងតែបានគិតគូរពីសុខទុក្ខ និងការលំបាកក្នុងជីវភាពរស់នៅរបស់បងប្អូនអតីតយុទ្ធជនដែលកន្លងមកធ្លាប់មានស្នាដៃ និងបានតស៊ូពុះពារជំនះរាល់ឧបសគ្គក្នុងការចូលរួមចំណែកការពារជាតិមាតុភូមិឆ្ពោះទៅរកសន្តិភាពនិងមានការអភិវឌ្ឍន៍រីកចច្រើនមកទល់សព្វថ្ងៃនេះ។
ក្នុងពិធីនោះ លោកក៏ប្រគល់នូវគ្រឿងឧបភោគបរិភោគមួយចំនួន និងថវិកា២០ម៉ឺនជូនដល់លោក ហួច ហេង ដែលជាអតីតយុទ្ធជន និងបានឧបត្ថម្ភប្រជាពលរដ្ឋដែលបានចូលរួមចំនួន៣៦នាក់ ក្នុងម្នាក់ៗ២ម៉ឺនរៀលផងដែរ៕
ចែករំលែកព័តមាននេះ