ប្រទេសម៉ាឡេស៊ី ៖ ក្រុមសម្ព័ន្ធភាពប្រឆាំងដឹកនាំ ដោយអតីតនាយករដ្ឋមន្ត្រីម៉ាឡេស៊ី លោកមហាធៀរ មហាម៉ាដ អាយុ៩២ឆ្នាំ បានឈ្នះឆ្នោតក្នុងការបោះឆ្នោតសភាកាលពីថ្ងៃទី៩ ឧសភា នៅម៉ាឡេស៊ី…
ប្រទេសម៉ាឡេស៊ី ៖ ក្រុមសម្ព័ន្ធភាពប្រឆាំងដឹកនាំ ដោយអតីតនាយករដ្ឋមន្ត្រីម៉ាឡេស៊ី លោកមហាធៀរ មហាម៉ាដ អាយុ៩២ឆ្នាំ បានឈ្នះឆ្នោតក្នុងការបោះឆ្នោតសភាកាលពីថ្ងៃទី៩ ឧសភា នៅម៉ាឡេស៊ី ដែលបញ្ចប់ការកាន់អំណាចរយៈពេល៦ទសវត្ស ក្រោយប្រទេសទទួលបានឯករាជ្យមក របស់គណបក្ស BARISAN NASIONAL។
លទ្ធផលផ្លូវការផ្ដល់ដោយគណៈកម្មាធិការបោះឆ្នោតបញ្ជាក់ថា សម្ព័ន្ធភាពប្រឆាំង គឺគណបក្ស PAKATAN HARAPAN ជាមួយគណបក្សសម្ព័ន្ធមិត្តតូចមួយ នៃរដ្ឋសាបាហ៍នៅ ប័រនេអូ ដណ្ដើមបានកៅអី១១៥ ក្នុងសភា គឺលើសពីសំឡេងភាគច្រើនធម្មតា ១១២កៅអី ដែលត្រូវការចាំបាច់ ដើម្បីបង្កើតរដ្ឋាភិបាលមួយ។
លោកមហាធៀរ ដែលនឹងក្លាយជានាយករដ្ឋមន្ត្រីមានវ័យចំណាស់ជាងគេបំផុតនៃពិភពលោកនោះ ថ្លែងទៅកាន់សារព័ត៌មានថា យើងចង់ស្ដារឡើងវិញនីតិរដ្ឋ។ លោកជាអ្នកធ្លាប់ដឹកនាំប្រទេសម៉ាឡេស៊ី ក្នុងកណ្ដាប់ដៃដែករយៈពេល២២ឆ្នាំ ហើយចាកចេញពីការចូលនិវត្តន៍ ដើម្បីចូលប្រឡូកក្នុងការឃោសនាបោះឆ្នោតសភា។
ពេលដែលដឹងពីជ័យជម្នះច្បាស់របស់គណបក្សប្រឆាំង ពួកអ្នកគាំទ្រលោកមហាធៀរ បានលើកគ្នាប្រមូលផ្ដុំតាមដងវិថីទាំងឡាយ ដើម្បីសម្ដែងពីការសប្បាយរបស់ពួកគេ ដោយគ្រវីទង់ជាតិ។
នាយករដ្ឋមន្ត្រីម៉ាឡេស៊ីចប់អាណត្តិ លោកណាជីប រ៉ាហ្សាក់ អាយុ៦៩ឆ្នាំ ជួបប្រទះនឹងរឿងអាស្រូវហិរញ្ញវត្ថុធំមួយ។ គណបក្សចម្រុះរបស់លោក គឺគណបក្ស BARISAN NASINAL ដឹកនាំម៉ាឡេស៊ី តាំងពីទទួលបានឯករាជ្យពីអង់គ្លេស ក្នុងឆ្នាំ១៩៥៧មក។
ការវិលត្រឡប់មកកាន់អំណាចជាថ្មីរបស់លោកមហាធៀរ ធ្វើឲ្យបរិយាកាសនយោបាយរបស់ប្រទេសក្រឡាប់ចាក់។ ការិយាល័យបោះឆ្នោតបានបិទនាវេលាម៉ោង១៧ ថ្ងៃទី៩ឧសភា ហើយអត្រានៃអ្នកចូលរួមបោះឆ្នោត ២ម៉ោងមុនបិទមាន៦៩%៕
ចែករំលែកព័តមាននេះ