ខេត្តស្វាយរៀង ៖ ប្រជាពលរដ្ឋប្រទះឃើញសាកសពបរស់ម្នាក់អណ្តែតតាមទឹកព្រែកដោយរាងកាយហើមស្អុយទៅហើយមិនដឹងថា ជាមនុស្សមកពីរណា ឬជាអំពើឃាតកម្មក៏រាយការណ៍ជូនសមត្ថកិច្ចឲ្យចុះមកពិនិត្យមើលដើម្បីរកអត្តសញ្ញាណ និងសាច់ញាតិ ។ ករណីប្រជាពលរដ្ឋប្រទះឃើញសពនេះបានកើតឡើងកាលពីវេលាម៉ោង១និង៤៥នាទីរសៀល ថ្ងៃទី០៩ ខែឧសភា…
ខេត្តស្វាយរៀង ៖ ប្រជាពលរដ្ឋប្រទះឃើញសាកសពបរស់ម្នាក់អណ្តែតតាមទឹកព្រែកដោយរាងកាយហើមស្អុយទៅហើយមិនដឹងថា ជាមនុស្សមកពីរណា ឬជាអំពើឃាតកម្មក៏រាយការណ៍ជូនសមត្ថកិច្ចឲ្យចុះមកពិនិត្យមើលដើម្បីរកអត្តសញ្ញាណ និងសាច់ញាតិ ។ ករណីប្រជាពលរដ្ឋប្រទះឃើញសពនេះបានកើតឡើងកាលពីវេលាម៉ោង១និង៤៥នាទីរសៀល ថ្ងៃទី០៩ ខែឧសភា ឆ្នាំ២០១៨ នៅត្រង់ចំណុចព្រែកអំពឹល ស្ថិតនៅភូមិអំពឹលឃុំម៉ឺនជ័យ ស្រុករំដួល ។
បើតាមសមត្ថកិច្ចនគបាលប៉ុស្ត៍រដ្ឋបាលឃុំម៉ឺនជ័យបានឲ្យដឹងថា សាកសពដែលប្រជាពលរដ្ឋប្រទះឃើញអណ្តែតទឹកព្រែកនោះឈ្មោះ កែវ សិត ភេទប្រុស អាយុ៦២ឆ្នាំ ជាមនុស្សមានជម្ងឺសសៃប្រសាទមានទីលំនៅភូមិវាល ឃុំម៉ឺនជ័យ ស្រុករំដួល ខេត្តស្វាយរៀង ។
ប្រភពដដែលបន្តទៀតថា ដោយជនរងគ្រោះមានជម្ងឺសសៃប្រសាទហើយបានដើរចោលផ្ទះយូថ្ងៃមិនចូលផ្ទះ បើតាមការសន្និដ្ឋានគឺដើរចោលផ្ទះយូរថ្ងៃដាច់បាយគ្មានអ្វីបរិភោគ ហើយបានដើរទៅចុះទឹករកទឹកផឹកក៏ខ្យល់.គដួលចូលក្នុងទឹកព្រែកបណ្តាលឲ្យលង់ទឹកស្លាប់តែម្តងទៅ ។ ម្យ៉ាងតាមការពិនិត្យសាកសពពុំមានឃើញស្នាកស្នាមអ្វី ឲ្យសង្ស័យឡើយគឺពិតជាខ្យល់.គដួលចូលក្នុងទឹកលង់ស្លាប់ ។ ក្រោយពីពិនិត្យសពរួចសមត្ថកិច្ចបានប្រគល់ឲ្យក្រុមគ្រួសារយកសពទៅធ្វើបុណ្យតាមប្រពៃណី ៕
ចែករំលែកព័តមាននេះ