តាមប្រភពព័ត៌មាន Soccer Laduma បានឲ្យដឹងថា អតីតមិត្តរួមក្រុមជាមួយនឹង Messi ហើយជាអតីតកីឡាករក្រុមជម្រើសជាតិបារាំង Eric Abidal បានបង្ហើបពាក្យពេចន៍ក្នុងចិត្តគិតទៅលើ…
តាមប្រភពព័ត៌មាន Soccer Laduma បានឲ្យដឹងថា អតីតមិត្តរួមក្រុមជាមួយនឹង Messi ហើយជាអតីតកីឡាករក្រុមជម្រើសជាតិបារាំង Eric Abidal បានបង្ហើបពាក្យពេចន៍ក្នុងចិត្តគិតទៅលើ Messi ។ រូបគេបានសរសើរ Messi ថា ជាកីឡាករខ្លាំងផ្តាច់គេ ហើយដាក់ខ្លួនជាងគេ ។
ការលេងរបស់ Messi ចេះតែឡើងជើងមិនថយចុះសោះ ដូចជាយើងបានឃើញស្រាប់នៅកាលពីថ្ងៃអាទិត្យក្នុងការប្រកួត El Clasico ។ Eric Abidal ដែលជាអតីតមិត្តរួមក្រុមបានសរសើរប្រាប់ទៅព័ត៌មាន Radio Trinidad ថា «Lionel Messi គឹជាកីឡាករល្អផ្តាច់គេលើលោកតែគេក៏ជាអ្នកដែលដាក់ខ្លួនជាងគេដែរ ក្នុងចំណោមកីឡាករខ្ញុំស្គាល់» ។
កីឡាករចូលនិវត្តន៍រូបនេះបានបន្តទៀតថា «ខ្ញុំបានចំណាយពេល៦ឆ្នាំលេងជាមួយនឹង Messi ហើយនេះពិតជាកិត្តិយសរបស់ខ្ញុំមែនទែន ។ គាត់តែងតែញញឹមជានិច្ច ។ ខ្ញុំមិនដែលឃើញគាត់ថប់អារម្មណ៍ម្តងណាឡើយ» ។
គួរបញ្ជាក់ថា Messi បានឈ្នះ LaLiga ជាលើកទី៨នៅក្នុងរដូវកាលនេះដែលមានមុខនៅក្នុងតារាងប្រកួតឲ្យក្លិបអ្នកមានបុណ្យ Barcelona ចំនួន៥២ប្រកួត និងស៊ុតបញ្ចូលទីបាន៤៤គ្រាប់ ៕
ចែករំលែកព័តមាននេះ