ខេត្តកំពត ៖ តាមសេចក្តីរាយការណ៍ពីមន្ទីរយុត្តិធម៌នៃកងរាជអាវុធហត្ថខេត្តបានឱ្យដឹងថា មានករណីបាញ់បោះសេរីជាច្រើនគ្រាប់ មានទាំងអាវុធAK និងអាវុធខ្លី កើតឡើងកាលពីវេលាម៉ោង០៥ និង៤៥ល្ងាចថ្ងៃទី៥ ឧសភា ស្ថិតនៅចំការមួយកន្លែង…
ខេត្តកំពត ៖ តាមសេចក្តីរាយការណ៍ពីមន្ទីរយុត្តិធម៌នៃកងរាជអាវុធហត្ថខេត្តបានឱ្យដឹងថា មានករណីបាញ់បោះសេរីជាច្រើនគ្រាប់ មានទាំងអាវុធAK និងអាវុធខ្លី កើតឡើងកាលពីវេលាម៉ោង០៥ និង៤៥ល្ងាចថ្ងៃទី៥ ឧសភា ស្ថិតនៅចំការមួយកន្លែង ដែលមានម្ចាស់ឈ្មោះមឿន ក្នុងភូមិត្រពាំងព្រីងខាងជើង ឃុំត្រពាំងព្រីងស្រុកទឹកឈូ ខេត្តកំពត បានបណ្តាលឱ្យគ្រាប់កាំភ្លើងផ្លាតត្រូវប្រជាពលរដ្ឋម្នាក់រងរបួសផងដែរ ។
សេចក្តីរាយការណ៍បន្តថា ក្រុមបាញ់បោះសេរីនោះ គឺពួកគេនាំគ្នាបើករថយន្តមកផឹកស៊ីនៅក្នុងចម្ការនោះ ។ ជាមួយគ្នានេះដែរ បន្ទាប់ពីកើតហេតុ គេឃើញមានកំលាំងសមត្ថកិច្ចនគរបាលព្រហ្មទណ្ឌស្នងការខេត្តបានទៅដល់កន្លែងកើតហេតុដែរ ប៉ុន្តែមិនបានជួបក្រុមអ្នកបាញ់នោះទេ ព្រោះពួកគេបានចេញទៅមុនសមត្ថកិច្ចទៅដល់ ដោយសមត្ថកិច្ចបានត្រឹមតែឃើញសំបកកាទុស្សកាំភ្លើងតូចនិងកាំភ្លើងអាកា(ចំនួន៤៨គ្រាប់) នៅកន្លែងផឹកស៊ីនោះ ។
ប្រភពពីសមត្ថកិច្ចដដែលឱ្យដឹងទៀតថា ក្រោយពីមានករណីនេះកើតឡើង កំលាំងមន្ទីរយុត្តិធម៌នៃកងរាជអាវុធហត្ថខេត្ត ដឹកនាំដោយលោកវរសេនីយទោ ហែម ចាន់ដារ៉ា មេបញ្ជាកររងនិងជាប្រធានមន្ទីរយុត្តិធម៌កងរាជអាវុធហត្ថខេត្ត បានចុះស្រាវជ្រាវស៊ើបអង្កេតយ៉ាងយកចិត្តទុកដាក់បំផុត រហូតឈានទៅឃាត់ខ្លួនជនសង្ស័យម្នាក់ នៅវេលាម៉ោង០៨ និង១៥នាទីព្រឹកថ្ងៃទី៦ ឧសភា ស្ថិតចំណុចហាងមី ក្នុងភូមិក្រាំង សង្កាត់ក្រាំងអំពិល ក្រុងកំពត ខេត្តកំពត ដើម្បីសាកសួរ។ ជនសង្ស័យដែលឃាត់ខ្លួនឈ្មោះឡាយ ពិសិដ្ឋ ហៅទុំ អាយុ៣៦ឆ្នាំ ជាបុគ្គលិក រស់នៅភូមិចំរើនផល សង្កាត់បឹងទំពុន ខណ្ឌមានជ័យ ក្រុងភ្នំពេញ ។
បន្ទាប់ពីសមត្ថកិច្ចកងរាជអាវុធហត្ថប្រគល់ដល់ដៃតុលាការហើយ នៅពេលព្រះរាជអាជ្ញាមួយរូបបានធ្វើការសាកសួរជុំវិញករណីបាញ់បោះសេរី ដំបូងជនសង្ស័យឆ្លើយបដិសេធថា ខ្លួនមិនបានបាញ់ទេ ក្រោយមក ព្រះរាជអាជ្ញាបានសាកសួរតាមនីតិវិធី បែរជាជនសង្ស័យរូបនេះ បានសារភាពពីករណីបាញ់បោះនាពេលកន្លងមក ប្រាប់ទៅព្រះរាជអាជ្ញាទាំងភ្នែកហូរនៅមុខតុលាការ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ