ខេត្តកណ្ដាល ៖ តាមសេចក្តីរាយការណ៍បឋមបានឲ្យដឹងថា មានករណីគ្រោះថ្នាក់ចរាចរណ៍ផ្លូវគោកបង្កឡើងដោយរថយន្តបែនដឹកដី ធ្លាក់ក្រឡាប់ខ្លួនឯង ទៅក្រោមថ្នល់ បណ្តាលឲ្យឆេះខូចខាតស្ទើរតែទាំងស្រុង និងបណ្ដាលឲ្យមានអ្នករងរបួសស្រាល៣នាក់ កាលពីវេលាម៉ោង៣និង៥១នាទីរសៀល នៅចំណុចផ្លូវជាតិលេខចន្លោះគីឡូម៉ែត្រ២៦-២៧…
ខេត្តកណ្ដាល ៖ តាមសេចក្តីរាយការណ៍បឋមបានឲ្យដឹងថា មានករណីគ្រោះថ្នាក់ចរាចរណ៍ផ្លូវគោកបង្កឡើងដោយរថយន្តបែនដឹកដី ធ្លាក់ក្រឡាប់ខ្លួនឯង ទៅក្រោមថ្នល់ បណ្តាលឲ្យឆេះខូចខាតស្ទើរតែទាំងស្រុង និងបណ្ដាលឲ្យមានអ្នករងរបួសស្រាល៣នាក់ កាលពីវេលាម៉ោង៣និង៥១នាទីរសៀល នៅចំណុចផ្លូវជាតិលេខចន្លោះគីឡូម៉ែត្រ២៦-២៧ ភូមិពញាឮ ឃុំពញាឮ ស្រុកពញាឮ ខេត្តកណ្ដាល ។
សេចក្តីរាយការណ៍បន្តថា នគរបាលចរាចរណ៍ស្រុកពញាឮបានឲ្យដឹងថា នៅវេលាកើតហេតុខាងលើមានរថយន្តមួយគ្រឿង ពណ៌ស ទ្រុងខៀវ ចង្កូតស្ដាំ ពាក់ផ្លាកលេខ PP-1739 បើកបរក្នុងទិសដៅពីជើងទៅត្បូងក្នុល្បឿនលឿន ។ លុះមកដល់កន្លែងកើតហេតុបានគេចពីក្មេងដែលរត់ឆ្លងថ្នល់ពីកើតមកលិចក៏ជ្រុលធ្លាក់ពីលើផ្លូវជាតិខាងស្ដាំក្រឡាប់ បណ្ដាលឲ្យឆេះខូចខាតស្ទើរតែទាំងស្រុង បានគេជួយពន្លត់ទាន់ ។ អ្នកបើកបរ និងអ្នករួមដំណើរចេញពីក្នុងរថយន្តទាន់ ។
អ្នកបើកបរថយន្តឈ្មោះ រី ភេទប្រុស អាយុ២១ឆ្នាំ ស្នាក់នៅភូមិព្រែកក្ដី ឃុំព្រែកតាទែន ស្រុកពញាឮ ខេត្តកណ្ដាល (រងរបួសស្រាល) និងអ្នករួមដំណើររងរបួសស្រាលទាំងពីរអ្នកដែរ ៕
ចែករំលែកព័តមាននេះ