រាជធានីភ្នំពេញ ៖ សេចក្តីរាយការណ៍បានបន្តឱ្យដឹងនាព្រឹកថ្ងៃទី០៩ ឧសភា នេះ ពាក់ព័ន្ធករណីក្រុមចោរជិះទូកមកកាត់ស្ពានបេឡេប្ញស្សីកែវ គឺពុំមែនកាត់នោះទេ គឺពួកគេនាំគ្នាមករើសយកដែកចេញពីការដ្ឋានតែប៉ុណ្ណោះ ។ នេះបើយោងតាមការអះអាងរបស់មន្ត្រីជំនាញសាលារាជធានីភ្នំពេញ…
រាជធានីភ្នំពេញ ៖ សេចក្តីរាយការណ៍បានបន្តឱ្យដឹងនាព្រឹកថ្ងៃទី០៩ ឧសភា នេះ ពាក់ព័ន្ធករណីក្រុមចោរជិះទូកមកកាត់ស្ពានបេឡេប្ញស្សីកែវ គឺពុំមែនកាត់នោះទេ គឺពួកគេនាំគ្នាមករើសយកដែកចេញពីការដ្ឋានតែប៉ុណ្ណោះ ។ នេះបើយោងតាមការអះអាងរបស់មន្ត្រីជំនាញសាលារាជធានីភ្នំពេញ ។
លោក សាំ ពិសិដ្ឋ នាយកមន្ទីរសាធារណការនិងដឹកជញ្ជូនរាជធានីភ្នំពេញ បានធ្វើការអះអាងទៀតថា បន្ទាប់ទទួលបានព័ត៌មានពីករណីលួចកាត់យកដែកនៅក្រោមស្ពានបេឡេ នៅព្រឹកថ្ងៃទី៩ ឧសភា នេះ ក្រុមវិស្វករមន្ទីរសាធារណការ និងដឹកជញ្ជូនរាជធានីភ្នំពេញ និងវិស្វករការដ្ឋានរបស់ក្រុមហ៊ុន OCIC បានចុះពិនិត្យតួស្ពាននៅទីតាំងកន្លែងកើតហេតុឃើញថា មានករណីប្រជាពលរដ្ឋជិះទូកមកយកដែកដែលសេសសល់ពីការសំអាតការដ្ឋាន និងដែកការពារសុវត្ថិភាពការដ្ឋានក្នុងពេលសាងសង់កន្លងមក ដែលការដ្ឋានកំពុងរុះរើសំអាតដឹកចេញ ។
ចំពោះដែកបេឡេតួស្ពានទាំងមូល គឺមិនមានការបាត់បង់ ឬប៉ះពាល់ដល់គ្រោងដែកសំណង់ស្ពានឡើយ។ អាស្រ័យហេតុនេះ សូមបងប្អូនប្រជាពលរដ្ឋជ្រាប និងសូមអញ្ជើញធ្វើចរាចរណ៍ឆ្លងកាត់ជាធម្មតា។
ចែករំលែកព័តមាននេះ