រាជធានីភ្នំពេញ ៖ បុរសម្នាក់ស្លៀកខោប៉ារ៉ាបានបើករថយន្តពាក់ស្លាកលេខខេមរភូមិន្ទ ចេញមកពីកម្មវិធីក្នុងស្ថានភាពស្រវឹងស្រាជោគជាំមកឈប់រថយន្តហើយដេកកណ្តាលផ្លូវ លុះពេលសមត្ថកិច្ចដាស់អោយដឹងខ្លួនបែរជាជ្រុលជាន់ហ្គែរទៅបុកកន្លែងលក់គុយទាវ និងទឹកក្រឡុក បណ្តាលអោយរងការខូចខាត ។ ហេតុការណ៍នេះបានកើតឡើងកាលពីវេលាម៉ោង១១នឹង១៥នាទីយប់ថ្ងៃទី៨ ខែឧសភា…
រាជធានីភ្នំពេញ ៖ បុរសម្នាក់ស្លៀកខោប៉ារ៉ាបានបើករថយន្តពាក់ស្លាកលេខខេមរភូមិន្ទ ចេញមកពីកម្មវិធីក្នុងស្ថានភាពស្រវឹងស្រាជោគជាំមកឈប់រថយន្តហើយដេកកណ្តាលផ្លូវ លុះពេលសមត្ថកិច្ចដាស់អោយដឹងខ្លួនបែរជាជ្រុលជាន់ហ្គែរទៅបុកកន្លែងលក់គុយទាវ និងទឹកក្រឡុក បណ្តាលអោយរងការខូចខាត ។ ហេតុការណ៍នេះបានកើតឡើងកាលពីវេលាម៉ោង១១នឹង១៥នាទីយប់ថ្ងៃទី៨ ខែឧសភា ឆ្នាំ២០១៨ តាមបណ្តោយផ្លូវទំនប់៧០ នៅចំណុចក្បែរនឹងស្តុបបឹងកក់ ស្ថិតនៅក្នុងសង្កាត់ទួលសង្កែ១ ខណ្ឌឬស្សីកែវ ។
សាក្សីដែលឃើញហេតុការណ៍បានអោយដឹងថា មុនពេលកើត គេបានឃើញបុរសម្នាក់ពាក់អាវយឺតយោធា ស្លៀកខោប៉ារ៉ា បើករថយន្តមួយគ្រឿងម៉ាកឡិចស៊ីស RX 350 ពណ៌ស្លែចាស់ ពាក់ស្លាកលេខខេមរភូមិន្ទ01 2-7697 មិនដឹងថាគាត់ចេញមកពីផឹកនៅកន្លែងណានោះទេ ក្នុងស្ថានភាពស្រវឹងស្រាជោគជាំបើករថយន្តតាមបណ្តោយផ្លូវទំនប់៧០ ក្នុងទិសដៅពីកើតទៅលិចហើយមកឈប់រថយន្តដេកនៅកណ្តាលផ្លូវបង្កអោយមានការភ្ញាក់ផ្អើលដល់សមត្ថកិច្ចចុះមកដល់កន្លែងកើតហេតុ ហើយដាស់អោយបុរសនោះភ្ញាក់ដើម្បីអោយគាត់អង្គុយអោយស្វាងចាំបើកបន្តដំណើរទៅមុខទៀត ប៉ុន្តែពេលគាត់ដឹងខ្លួនស្រាប់តែដាក់ចង្កេះលេខរថយន្ត ហើយជាន់ហ្គែរជ្រុលចង្កូតរេមកស្តាំទៅបុកកន្លែងលក់គុយទាវនឹងទឹកក្រឡុក បណ្តាលអោយរងការខូចខាតខ្ទេចបែកទូទឹកក្រឡុកនិងបាក់រទះលក់គុយទាវ ឃើញហេតុការណ៍យ៉ាងដូច្នេះភ្ញៀវកំពុងតែអង្គុយញុំាទឹកក្រឡុកបានរត់ចេញទាន់ មិនបង្កអោយនរណាម្នាក់រងរបួសនោះឡើយ ។
ក្រោយពេលកើតហេតុ ខាងម្ចាស់រថយន្តបង្កសុខចិត្តសងថ្លៃខូចខាតចំនួន១.០០០ដុល្លារដើម្បីបញ្ចប់រឿងនៅនឹងកន្លែងកើតហេតុ ៕
ចែករំលែកព័តមាននេះ