រាជធានីភ្នំពេញ ៖ ម៉ូតូសេ១០០កូរ៉េ១គ្រឿងបានបើកបរក្នុងល្បឿនលឿន ហើយបានជ្រុលទៅបុកក្មេងស្រីម្នាក់ ដែលកំពុងឈរលក់ដូរនៅមុខផ្ទះ បណ្តាលឲ្យដួលរងរបួសធ្ងន់ធ្ងរ ដោយបាក់ដៃផង និងបាក់ជើងផងដែរ ។ ហេតុការណ៍គ្រោះថ្នាក់ចរាចរណ៍នោះបានកើតឡើងកាលពីវេលាម៉ោង១១ព្រឹកថ្ងៃទី៨…
រាជធានីភ្នំពេញ ៖ ម៉ូតូសេ១០០កូរ៉េ១គ្រឿងបានបើកបរក្នុងល្បឿនលឿន ហើយបានជ្រុលទៅបុកក្មេងស្រីម្នាក់ ដែលកំពុងឈរលក់ដូរនៅមុខផ្ទះ បណ្តាលឲ្យដួលរងរបួសធ្ងន់ធ្ងរ ដោយបាក់ដៃផង និងបាក់ជើងផងដែរ ។ ហេតុការណ៍គ្រោះថ្នាក់ចរាចរណ៍នោះបានកើតឡើងកាលពីវេលាម៉ោង១១ព្រឹកថ្ងៃទី៨ ខែឧសភា ឆ្នាំ២០១៨ នៅតាមបណ្ដោយផ្លូវបេតុង ស្ថិតនៅក្នុងភូមិត្រពាំងអណ្តូង សង្កាត់ត្រពាំងក្រសាំង ខណ្ឌពោធិសែនជ័យ រាជធានីភ្នំពេញ ។
ក្មេងស្រីរងគ្រោះឈ្មោះ ហេង ស្រីណុច អាយុ១៤ឆ្នាំ ជាសិស្សមានទីលំនៅកន្លែងកើតហេតុខាងលើ ។ ដែលត្រូវម៉ូតូម៉ាកសេ១០០កូរ៉េ ពណ៌ស្លាទុំ អត់ស្លាកលេខ បើកបរដោយបុរសម្នាក់ដែលមិនស្គាល់អត្តសញ្ញាណម្នាក់ ដែលជាអ្នកភូមិជាមួយគ្នា បុកឲ្យរងរបួសបាក់ដៃផង និងបាក់ជើងផងដែរ។
នគរបានបានឲ្យដឹងថា នៅមុនកើតហេតុម៉ូតូបង្កខាងលើបានបើកបរធ្វើដំណើរក្នុងទិសដៅពីត្បូងទៅជើងក្នុងល្បឿនយ៉ាងលឿន លុះពេលទៅដល់ត្រង់ចំណុចកើតហេតុក៏បានរេចង្កូតជ្រុលទៅបុកក្មេងស្រីរងគ្រោះពេញទំហឹង ក្នុងខណៈពេលដែលនាងកំពុងជួយលក់ដូរម្ដាយនៅមុខផ្ទះ បណ្តាលឲ្យដួលរងរបួសបាក់ជើងខាងស្តាំ និងដៃស្តាំយ៉ាងធ្ងន់ធ្ងរតែម្ដង ។
ប្រភពដដែលបានបន្តទៀតថា ក្រោយកើតហេតុក្រុមរថយន្តសង្គ្រោះរបស់អង្គភាព៧១១បានដឹកក្មេងស្រីរងគ្រោះបញ្ជូនទៅកាន់មន្ទីរពេទ្យគន្ធបុប្ផា ដើម្បីសង្គ្រោះបន្ទាន់ ។ ចំណែកនគរបាលបានចុះទៅធ្វើការវាស់វែង និងនាំយកម៉ូតូទៅរក្សាទុកនៅផ្នែកចរាចរណ៍ខណ្ឌពោធិ៍សែនជ័យរង់ចាំការដោះស្រាយតាមច្បាប់ ៕
ចែករំលែកព័តមាននេះ