ខេត្តប៉ៃលិន ៖ បុរសម្នាក់ចូលលួចម៉ូតូរបស់អាជីវករខ្មែរលក់ដូរក្នុងទឹកដីថៃ ឆ្លងដែនយកមកជិះនៅភូមិផ្សារ ព្រំយ៉ាងរំភើយ ហើយត្រូវបានម្ចាស់ប្តឹងនគរបាលឱ្យចាប់ឃាត់ខ្លួនតែម្តង ។ ហេតុការណ៍ម្ចាស់ម៉ូតូប្តឹងនគរបាលឱ្យចាប់ឃាត់ខ្លួននេះបានកើតឡើងកាលពីវេលាម៉ោង១០ព្រឹកថ្ងៃទី៧ ខែឧសភា ឆ្នាំ២០១៨…
ខេត្តប៉ៃលិន ៖ បុរសម្នាក់ចូលលួចម៉ូតូរបស់អាជីវករខ្មែរលក់ដូរក្នុងទឹកដីថៃ ឆ្លងដែនយកមកជិះនៅភូមិផ្សារ ព្រំយ៉ាងរំភើយ ហើយត្រូវបានម្ចាស់ប្តឹងនគរបាលឱ្យចាប់ឃាត់ខ្លួនតែម្តង ។ ហេតុការណ៍ម្ចាស់ម៉ូតូប្តឹងនគរបាលឱ្យចាប់ឃាត់ខ្លួននេះបានកើតឡើងកាលពីវេលាម៉ោង១០ព្រឹកថ្ងៃទី៧ ខែឧសភា ឆ្នាំ២០១៨ ស្ថិតនៅចំណុចផ្សារប៉ាកាដ ស្រុកពោងណាំរ៉ន ប្រទេសថៃ ។
ប្រភពព័ត៌មានពីនគរបាលនៃអធិការស្រុកសាលាក្រៅបានឱ្យដឹងថា ជនរងគ្រោះឈ្មោះ ជុន សុភី ភេទស្រី អាយុ៣១ឆ្នាំ មុខរបរលក់ដូរនៅផ្សារបាកាដ (ប្រទេសថៃ) រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ត្រូវបានចោរលួចម៉ូតូ១គ្រឿងម៉ាក ZOOMER X ស៊េរីឆ្នាំ២០១៧ ពណ៌ផ្កាឈូកចាស់ អត់ស្លាកលេខ នៅចំណុចផ្សារបាកាត ក្នុងទឹកដីប្រទេសថៃ ជាប់នឹងភូមិផ្សារព្រំ ឃុំស្ទឹងកាច់ ។
ប្រភពព័ត៌មានបានបន្តថា ក្រោយពីទទួលពាក្យបណ្ដឹងរួច កម្លាំងជំនាញបានចុះសហការជាមួយកម្លាំងប៉ុស្ដិ៍នគរបាលឃុំស្ទឹងកាច់ ធ្វើការស្រាវជ្រាវរហូតឈានដល់ការឃាត់ខ្លួនជនសង្ស័យម្នាក់ និងម៉ូតូ១គ្រឿង នៅចំណុចសំបុកចាប ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដែលជនសង្ស័យឈ្មោះ មាស សុខម៉ៅ ភេទប្រុស អាយុ៣០ឆ្នាំ មានស្រុកកំណើតរស់នៅភូមិតាណាក ឃុំគុជដី ស្រុកមោងឬស្សី ខេត្តបាត់ដំបង ។
បច្ចុប្បន្នសមត្ថកិច្ចជំនាញកុំពុងរៀបចំសំណុំរឿងបញ្ជូនជនសង្ស័យទៅស្នងការនគរបាលខេត្ត ដើម្បីឱ្យចាត់ការតាមនីតិវិធី ៕
ចែករំលែកព័តមាននេះ