រាជធានីភ្នំពេញ ៖ រថយន្តតាក់ស៊ីម៉ែត្រមួយគ្រឿង សង្ស័យអ្នកបើកបរស្រវឹង បានបើករថយន្តរេចង្កូតទៅបុករបាំងថ្មពុះចែកផ្លូវយ៉ាងពេញទំហឹងបណ្តាលអោយរថយន្តក្រឡាប់ផ្ងារជើងមួយចំហៀង ហើយបណ្តាលឱ្យរងរបួសស្រាលចំនួន៤នាក់ផងដែរ ហេតុការណ៍នេះបានកើតឡើងកាលពីវេលាម៉ោង៣ទៀបភ្លឺថ្ងៃទី៨ ខែឧសភា ឆ្នាំ២០១៨ ស្ថិតនៅផ្លូវព្រះមុនីវង្ស…
រាជធានីភ្នំពេញ ៖ រថយន្តតាក់ស៊ីម៉ែត្រមួយគ្រឿង សង្ស័យអ្នកបើកបរស្រវឹង បានបើករថយន្តរេចង្កូតទៅបុករបាំងថ្មពុះចែកផ្លូវយ៉ាងពេញទំហឹងបណ្តាលអោយរថយន្តក្រឡាប់ផ្ងារជើងមួយចំហៀង ហើយបណ្តាលឱ្យរងរបួសស្រាលចំនួន៤នាក់ផងដែរ ហេតុការណ៍នេះបានកើតឡើងកាលពីវេលាម៉ោង៣ទៀបភ្លឺថ្ងៃទី៨ ខែឧសភា ឆ្នាំ២០១៨ ស្ថិតនៅផ្លូវព្រះមុនីវង្ស សង្កាត់បឹងកេងកង៣ ខណ្ឌចំការមន ។
តាមសម្តីអ្នកឃើញហេតុការណ៍ បានអោយដឹងថា មុនពេលកើតហេតុ គេបានឃើញរថយន្តតាក់ស៊ីម៉ែត្រ ពណ៌កាប់ស្តាំងលាយទឹកប្រាក់ ពាក់ស្លាកលេខ ភ្នំពេញ ២Z-៧៧៣៩ បានធ្វើដំណើរតាមផ្លូវព្រះមុនីវង្ស ក្នុងទិសដៅពីជើងទៅត្បូងក្នុងល្បឿនលឿនដូចហោះ ទើបបណ្ដាលឱ្យរថយន្តរេចង្កូត ទៅបុក របាំងថ្មពុះចែកផ្លូវយ៉ាងពេញទំហឹងបាក់អស់២កង់ ធ្វើឲ្យរថយន្តក្រឡាប់ផ្ងារជើងមួយចំហៀង ហើយភ្លាមនោះដែរ គេបានឃើញបុរសចំនួន៤នាក់បាននាំគ្នាលូនចេញពីរថយន្តចេញមកក្រៅ ថែមទាំងមានរបួសតិចតួច រួចហើយក៍បាននាំគ្នាគេចខ្លួនបាត់ស្រមោលអស់ ។
ក្រោយពេលកើតហេតុ សមត្ថកិច្ចមូលដ្ឋាននិងមន្ត្រីជំនាញខណ្ឌបានចុះទៅដល់កន្លែងកើតហេតុ ហើយបានទំនាក់ទំនងទៅខាងជំនាញចរាចរណ៍ក្រុងអោយមកស្ទូចយករថយន្តបង្កទៅរក្សាទុកនៅការរិយាល័យចរាចរណ៍ជើងគោករាជធានីភ្នំពេញដើម្បីរង់ចាំធ្វើការដោះស្រាយ ៕
ចែករំលែកព័តមាននេះ