ខេត្តរតនគិរី ៖ ម៉ូតូបុកយីឌុបចំពីមុខពេញទំហឹង បណ្តាលឲ្យស្លាប់បុរសម្នាក់នៅកន្លែងកើតហេតុ ហេតុការណ៍នេះបានកើតឡើងនៅវេលាម៉ោង៧យប់ថ្ងៃទី៧ ខែឧសភា ឆ្នាំ២០១៨ នៅចំណុចអូរត្រាវ ស្ថិតក្នុងភូមិបាជាន់ សង្កាត់យក្ខឡោម ក្រុងបានលុង ។
ក្នុងករណីគ្រោះថ្នាក់ចរាចរណ៍នេះ ក្រោយពីកើតហេតុមានសមត្ថកិច្ចប៉ូលិសចរាចរណ៍នៃស្នងការដ្ឋានរតនគិរីយកឡានរបស់ស្នងការដឹកជនរងគ្រោះមកមន្ទីរពេទ្យបង្អែកខេត្ត ដើម្បីរក្សាសពទុក និងធ្វើការវាស់វែងនៅកន្លែងកើតហេតុ ។ សមត្ថកិច្ចចរាចរណ៍បានបញ្ជាក់ថា បើតាមធ្វើការវាស់វែងនៅកន្លែងកើតហេតុម៉ូតូ និងរថយន្តបានជិះបញ្ចាស់ទិសគ្នាទី១ រថយន្តម៉ាកយីឌុបពណ៌ខៀវ ពាក់ស្លាកលេខកំពង់ចាម 3A-3167 បានបើកមកពីទិសខាងកើត ចំណែកម៉ូតូពីទិសលិចទៅកើត ស្រាប់តែមកដល់កន្លែងកើតហេតុម៉ូតូបានរ៉េចង្កូតទៅខាងឆ្វេងដៃបានបុករថយន្តពេញទំហឹងតែម្តង ហើយនៅកន្លែងកើតហេតុនេះទៀត ផ្លូវបត់ហើយចុះចំណោតគួរតែបងប្អូនទាំងអស់មកដល់ចំណុចអូរត្រាវមានការប្រុងប្រយ័ត្ន ។
មន្ត្រីប៉ូលិសចរាចរណ៍បានបញ្ជាក់ថា ជនរងគ្រោះជិះម៉ូតូម៉ាកស៊ីរ៉ូស ពណ៌ស គ្មានស្លាកលេខ មកដល់ពេលនេះបងប្អូនជនរងគ្រោះគ្មាននណាម្នាក់បានដឹងថា គាត់ស្លាប់នោះទេ គឺសពបានតម្កល់ទុកនៅមន្ទីរពេទ្យបង្អែកខេត្ត ហើយបន្ថែមពីលើនឹងទៀតខាងសមត្ថកិច្ចប៉ូលិសចរាចណ៍បានធ្វើការអំពាវនាវតាមរយៈសារពត៌មាន ដើម្បីឲ្យសាច់ញាតិបានដឹង ពណ៌សម្បុរជនរងគ្រោះស្រអែម សក់ស្លូត ពាក់អាវយឺតដៃខ្លី ឆ្នូតសលាយខ្មៅ និងមានអាវធំខ្មៅមួយនៅខាងក្រៅ និងស្លៀកខោខ្មៅជើងវែង អាយុប្រហែល២០ឆ្នាំជាង វត្ថុតាងមានខ្សែកផ្លាក់ទីន១ខ្សែ មានបន្តោងខ្នែងជ្រូក ។
បច្ចុប្បន្នសពជនរងគ្រោះរក្សាទុកនៅមន្ទីរពេទ្យបង្អែកខេត្ត ប៉ូលិសបញ្ជាក់ថា ជនរងគ្រោះមានស្នាមរបួសបែកក្បាលខាងមុខ និងដៃខាងឆ្វេង និងក ហើយមន្ទីរពេទ្យបានឲ្យសារពត៌មានដឹងថា សពអាចរក្សាទុករយៈពេល១ថ្ងៃកន្លះ បើអត់មានបងប្អូនសាច់ញាតិមកទទួលទេគេនឹងបូជាសពនៅមន្ទីរពេទ្យខេត្តនេះហើយ ៕
ចែករំលែកព័តមាននេះ