ខេត្តកំពង់ធំ ៖ មានករណីតខ្សែភ្លើងឆក់ត្រី ភ្លាត់ស្នៀតឆក់ខ្លួនឯងស្លាប់ គួរឱ្យរន្ធត់មួយបានកើតឡើងកាលពីព្រឹកថ្ងៃទី០៧ ខែឧសភា ឆ្នាំ២០១៨ នៅក្រោយផ្ទះរបស់ខ្លួន បណ្តាលឲ្យឆក់ស្លាប់ខ្លួនឯង ស្ថិតនៅក្នុងភូមិក្តាមហា…
ខេត្តកំពង់ធំ ៖ មានករណីតខ្សែភ្លើងឆក់ត្រី ភ្លាត់ស្នៀតឆក់ខ្លួនឯងស្លាប់ គួរឱ្យរន្ធត់មួយបានកើតឡើងកាលពីព្រឹកថ្ងៃទី០៧ ខែឧសភា ឆ្នាំ២០១៨ នៅក្រោយផ្ទះរបស់ខ្លួន បណ្តាលឲ្យឆក់ស្លាប់ខ្លួនឯង ស្ថិតនៅក្នុងភូមិក្តាមហា ឃុំឈូកខ្សាច់ ស្រុកបារាយណ៍ ខេត្តកំពង់ធំ ។
សមត្ថកិច្ចប្រាប់ថា សពជនរងគ្រោះឈ្មោះ សម្បត្តិ សុភី ភេទប្រុស អាយុជាង៣០ឆ្នាំ រស់នៅឃុំកើតហេតុខាងលើ ។
បើយោងតាមការឆ្លើយបំភ្លឺពីសាច់ញាតិរបស់ជនរងគ្រោះប្រាប់ថា នៅមុនពេលកើតហេតុគេឃើញជនរងគ្រោះបានរាយខ្សែរភ្លើងចូលទៅក្នុងទឹកស្រែខាងក្រោយផ្ទះ រួចយកឧបករណ៍សម្រាប់ឆក់ត្រីនៅចំណុចកើតហេតុខាងលើ ដោយបាត់មិនឃើញត្រឡប់មកផ្ទះវិញ សាច់ញាតិក៏នាំគ្នាដើរទៅរកក៏ប្រទះឃើញសពជនរងគ្រោះបានដេកស្លាប់នៅក្នុងស្រូវ ហើយក៏រាយការណ៍ទៅសមត្ថកិច្ច បន្ទាប់ពីទទួលបានព័ត៌មាននេះភ្លាមកម្លាំងជំនាញស្រុកបានចុះទៅពិនិត្យកន្លែងកើតហេតុ និងធ្វើកោសល្យវិច្ច័យលើសព ហើយបានសន្និដ្ឋានថា ជនរងគ្រោះពិតជាស្លាប់ដោយសារឧបករណ៍ឆក់ត្រីពិតប្រាកដមែន ក្រោយពីពិនិត្យរួចសពត្រូវបានប្រគល់ជូនក្រុមគ្រួសារសាច់ញាតិយកទៅធ្វើបុណ្យតាមប្រពៃណី ។
ដំណឹងនេះ ក៏ជាការអំពាវនាវដល់បងប្អូនប្រជាពលរដ្ឋទាំងអស់ថា សូមកុំឲ្យនាំគ្នាប្រកបរបរនេសាទខុសច្បាប់ដូចជា ករណីឆក់ត្រីខាងលើជាដើម ដែលនាំឲ្យទោសដល់ខ្លួនចំពោះមុខច្បាប់ និងអាចបង្កគ្រោះថ្នាក់ដល់អាយុជីវិតមនុស្ស និងសត្វបានគ្រប់ពេលវេលា ៕
ចែករំលែកព័តមាននេះ