តាម​ប្រភព​ព័ត៌មាន Soccer Laduma បាន​ឲ្យ​ដឹង​ថា គ្រូបង្វឹក​របស់​ក្រុម​ជម្រើសជាតិ​អា​ហ្ស​ង់​ទី​ន លោក Cesar Luis Menotti បាន​និយាយ​ថា Messi មិន​ចាំបាច់​ត្រូវ​តែ​ឈ្នះ World Cup ដើម្បី​ឲ្យ​គេ​ហៅ​ថា​ខ្លាំង​នោះ​ទេ ។

ការ​លើក​ឡើង​នេះ​ដោយសារ​តែ Messi មិន​ធ្លាប់​បាន​ឈ្នះ World Cup ម្តងណា​សោះ​នៅ​ក្នុង​ក្រុម​ជម្រើសជាតិ​អា​ហ្ស​ង់​ទី​ន ។ រូបគេ​ធ្លាប់​ឡើង​ទៅ​ដល់​វគ្គ​ផ្តាច់ព្រ័ត្រ World Cup ម្តង និង​នៅ Copa America បី​ដង តែ​មិន​បាន​ឈ្នះ​ទាំង​៤​ដង ។ រូបគេ​តែង​ត្រូវ​អ្នកគាំទ្រ​យក​ទៅ​ប្រៀបប្រដូច​ជាមួយនឹង Diego Maradona ដោយ​ថា​ខ្វះ​តែ​ឈ្នះ World Cup ទេ នឹង​ដូច​ហើយ ។ តែ​សម្រាប់​លោកគ្រូ​បង្វឹក Cesar Luis Menotti ដែល​ធ្លាប់​ឈ្នះ​ពាន World Cup ឆ្នាំ​១៩៧៨​វិញ ជឿជាក់​ថា Messi ពេល​នេះ​គឺ​ខ្លាំង​បាត់​ទៅ​ហើយ ។

លោក​បាន​និយាយ​ប្រាប់​ក្នុង​កិច្ច​សម្ភាសន៍​ក្នុង​ទូរទស្សន៍ TNT Sprots ថា «​ខ្ញុំ​សង្ឃឹមថា​រូបគេ​នឹង​ឈ្នះ ។ ខ្ញុំ​មិន​គិត​ថា រូបគេ​ត្រូវការ​ឈ្នះ World Cup ដើម្បី​ដូច​ទៅ​នឹង​កីឡាករ​ខ្លាំង​ៗ​ក្នុង​ប្រវត្តិ​សាស្ត្រ​ឡើយ ។ គេ​គឺជា​ម្នាក់​ក្នុង​ចំណោម​នោះ​ស្រាប់​ហើយ​» ។ នេះ​ជា​ការ​គិត​របស់​គ្រូបង្វឹក​ក្រុម​ជម្រើសជាតិ​ទៅ​លើ Messi ។ ចុះ​អ្នក​វិញ?