កាកបាទក្រហមខេត្តទទួលថវិកាពីសប្បុរសជនជាង៥០ម៉ឺនដុល្លារ
- កណ្តាល
ខេត្តកណ្តាល ៖ សាខាកាកបាទក្រហមកម្ពុជាខេត្តកណ្ដាល ទទួលបានថវិកា ជាង៥០ម៉ឺនដុល្លារ ពីសប្បុរសជន ក្នុងទិវាកាកបាទក្រហម លើកទី១៥៥ ថ្ងៃទី៨ ឧសភា…
ខេត្តកណ្តាល ៖ សាខាកាកបាទក្រហមកម្ពុជាខេត្តកណ្ដាល ទទួលបានថវិកា ជាង៥០ម៉ឺនដុល្លារ ពីសប្បុរសជន ក្នុងទិវាកាកបាទក្រហម លើកទី១៥៥ ថ្ងៃទី៨ ឧសភា ឆ្នាំ២០១៨ ក្រោមប្រធានបទ «កាកបាទក្រហមកម្ពុជា មានគ្រប់ទីកន្លែង សម្រាប់គ្រប់ៗគ្នា មិនទុកអ្នកណាចោល» ដែលបាន ប្រារព្ធធ្វើនៅ សាខាកាកបាទក្រហមកម្ពុជាខេត្តកណ្ដាល កាលពីព្រឹកថ្ងៃទី៥ ឧសភា ។ ក្រោមអធិបតីភាព លោកជំទាវឃួន សុដារី អនុប្រធានកាកបាទក្រហមកម្ពុជាខេត្តកណ្ដាល តំណាងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងមានការអញ្ជើញចូលរួម ពីសប្បុរស ជាមន្ត្រី រាជការ អាជីវករ យុវជនស្ម័គ្រកាកបាទក្រហម ជាច្រើននាក់ទៀត។
លោកម៉ៅ ភិរុណ ប្រធានកិត្តយសសាខាកាកបាទក្រហមកម្ពុជាខេត្តកណ្ដាលបានអានរបាយការណ៍ស្វាគមន៍ ការងារសាខាកាកបាទក្រហម ក្នុងឆ្នាំ២០១៧ ។ បានចុះសួរសុខទុក្ខនិង ចែកអំណោយ ដល់ចាស់ជរាគ្មានទីពឹង ជនក្រីក្រ ជនពិការ កុមាកំព្រា ស្ត្រីសម្រាលកូន អ្នករស់នៅជាមួយមេរោគអេដ៍ អ្នកជម្ងឺអេដ៍ គ្រោះថ្នាក់ចរាចរណ៍ អគ្គីភ័យ បាក់ច្រាំងទន្លេ ស្ទឹង សរុប១.៤៤១គ្រួសារ និង អំណោយ អនុសាខា ស្រុក ក្រុង ចែកជូន ៨១៦ គ្រួសារទៀត ។ ក្នុងនោះអំណោយ អង្ករ ៥១.១៧៤គីឡូក្រាម អំណោយគ្រឿងឧបភោគបរិភោគ គិតជាទឹកប្រាក់ស្មើនឹង៣៦.៤៥៨ដុល្លារ និងអំណោយជាថវិកាសរុប១០២.៩៥៦ ដុល្លារ គិតទាំងអំណោយសប្បុរសជនផង។
លោកជំទាវ ឃួន សុដារី បានកោតសសើរដល់សាខាកាកបាទក្រហមកម្ពុជាខេត្តកណ្ដាល ដែល រយៈពេលកន្លងទៅនេះបានខិតខំ បំពេញភា កិច្ចរបស់ខ្លួនតាមរយៈការជួយ សង្គ្រោះ ដល់ចាស់ជរាគ្មានទីពឹង ជនក្រីក្រ ជនពិការ កុមាកំព្រា ស្ត្រីសម្រាលកូន អ្នករស់នៅជាមួយមេរោគអេដ៍ អ្នកជម្ងឺអេដ៍ គ្រោះថ្នាក់ចរាចរណ៍ អគ្គីភ័យ បាក់ច្រាំងទន្លេ ស្ទឹង និងគ្រោះធម្មជាតិផ្សេង។ លោកជំទាវ ក៏បានក្រើនរំលឹក ដល់ សាខា អនុសាខា សាកបាទក្រហមកម្ពុជា ត្រូវខិតខំពេញភារកិច្ច និងតួនាទីរបស់ខ្លួន ឱ្យកាន់តែប្រសើរឡើង និង ខិតខំកៀងគ សប្បុរសជន រកថវិកាមក ផ្គត់ផ្គង់សាខា អនុសាខា និងចំណាយថវិកាអោយមានតម្លាភាព។
នាឱកាសនោះ មានសប្បុរស ជន ច្រើននាក់បានបរិច្ចាថវិកា ដល់សាកាកបាទក្រហម ខេត្ត សរុប៥១៣.០៧២ដុល្លារ និងអង្ករ៥តោន ទៀត៕
ចែករំលែកព័តមាននេះ