ខេត្តឧត្តរមានជ័យ ៖ បញ្ហាគ្រឿងញៀនដែលកំពុងតែធ្វើចរាចរណ៍នៅគ្រប់បណ្តាខេត្តក្រុងនានាក្នុងប្រទេសកម្ពុជាធ្វើឱ្យយុវជន យុវតី កុមារា កុមារីនាំគ្នាប្រើប្រាស់ក្រេបវង្វេងបាត់ការចង់ចាំ ខូចអស់អនាគតរបស់ខ្លួន និងសង្គមជាតិលើសពីនោះថែមទាំងយកមុខរបរនេះជួញដូរនឹងចែកចាយទៀតផង ។ ជាក់ស្តែងបុរសម្នាក់ឈ្មោះ…
ខេត្តឧត្តរមានជ័យ ៖ បញ្ហាគ្រឿងញៀនដែលកំពុងតែធ្វើចរាចរណ៍នៅគ្រប់បណ្តាខេត្តក្រុងនានាក្នុងប្រទេសកម្ពុជាធ្វើឱ្យយុវជន យុវតី កុមារា កុមារីនាំគ្នាប្រើប្រាស់ក្រេបវង្វេងបាត់ការចង់ចាំ ខូចអស់អនាគតរបស់ខ្លួន និងសង្គមជាតិលើសពីនោះថែមទាំងយកមុខរបរនេះជួញដូរនឹងចែកចាយទៀតផង ។
ជាក់ស្តែងបុរសម្នាក់ឈ្មោះ ពន្លក សីហា ភេទប្រុស អាយុ១៩ឆ្នាំ រស់នៅក្នុងភូមិអូរស្មាច់ សង្កាត់អូរស្មាច់ ក្រុងសំរោង ខេត្តឧត្តរមានជ័យ ត្រូវបានកម្លាំងជំនាញធ្វើការសហការណ៍ជាមួយកម្លាំងប៉ុស្តិ៍រដ្ឋបាលអូរស្មាច់ធ្វើការបង្ក្រាបឃាត់ខ្លួន នឹងឆែកឆេរកឃើញវត្ថុតាងថ្នាំញៀនប្រភេទមេតំហ្វេតាមីន ( wy)ចំនួន៦០គ្រាប់ កាលពីព្រឹកថ្ងៃទី៤ ខែឧសភា ឆ្នាំ២០១៨ ដែលស្ថិតនៅចំណុចភូមិសង្កាត់ខាងលើ នាំយកមកប៉ុស្តិ៍រដ្ឋបាលអូរស្មាច់ធ្វើការសាកសួបន្ត ។ ជាក់ស្តែងជនសង្ស័យឈ្មោះ ពន្លក សីហា ភេទប្រុស អាយុ១៩ឆ្នាំ ត្រូវបានបញ្ជូនទៅតុលាការដោយជាប់ពីបទប្រើប្រាស់នូវសារធាតុញៀន ។
យោងតាមសម្តីប្រជាពលរដ្ឋនៅក្នុងខេត្តក៏ដូចជា ពលរដ្ឋដែលនៅក្រៅខេត្តឧត្តរមានជ័យផងដែរ គេតែងតែសង្កេតឃើញសមត្ថកិច្ចយកចិត្តទុកដាក់ធ្វើការបង្ក្រាបជាញឹកញាប់ ខណៈនោះពួកគាត់នាំគ្នាឆ្ងល់ថា មូលហេតុអីបានជាបង្ក្រាបការប្រើប្រាស់ និងជួញដូរនូវសារធាតុញៀននៅក្នុងប្រទេសគ្មានទីបញ្ចប់ ។
ប៉ូលិសការិយាល័យប្រឆាំងគ្រឿងញៀននៃស្នងការដ្ឋាននគបាលខេត្តបានឱ្យដឹងថា សមត្ថកិច្ចប៉ូលិសបានយកចិត្តទុកដាក់ធ្វើការទប់ស្កាត់ក្នុងការប្រើប្រាស់ និងការជួញដូរគ្រឿងញៀនបានជាបន្តបន្ទាប់ហើយក៏សាងសំណុំរឿងជនសង្ស័យទៅតុលាការអមសាលាដំបូងខេត្តឧត្តរមានជ័យចាត់ការទៅតាមនីតិវិធីច្បាប់ ៕
ចែករំលែកព័តមាននេះ