រាជធានីភ្នំពេញ ៖ កីឡាករខ្មែរ ២ រូបបានបំបាក់គូប្រកួតរបស់ខ្លួនដែលជាកីឡាករប្រដាល់ថៃឲ្យសន្លប់លើសៃវៀនការប្រកួតនារាត្រីថ្ងៃសៅរ៍ ទី៥ ខែឧសភា ដែលបានការប្រកួតប្រដាល់ក្បាច់គុនបុរាណខ្មែរនេះផងដែរ ត្រូវបានផ្សាយបន្តផ្ទាល់តាមកញ្ចក់ទូរទស្សន៍ក្នុងស្រុក PNN ។
សម្រាប់គូប្រកួតអន្តរជាតិទី១ គឺកីឡាករខ្មែរខ្លាចាស់ លោក សេន ប៊ុនថេន បានបំបាក់កីឡាករថៃឲ្យដួលសន្លប់នៅទឹកទី២ (Knock Out) ដែលបានធ្វើឲ្យទស្សនិកជនទះដៃអមអរសាទរយ៉ាងខ្លាំងក្លាផងដែរ ។
ចំណែកគូប្រកួតអន្តរជាតិទី២ គឺ កីឡាករ ឃុន ឌីម៉ា ដែលជាម្ចាស់មេដៃមាសពីការប្រកួត Sea Game 2017 បានយកឈ្នះកីឡាករថៃឈ្មោះ PETCHWINU ដោយវាយឲ្យសន្លប់ផងដែរ ។ ការប្រកួតនេះ គឺបានធ្វើឡើងនៅវាលបែកចាន លើទឹកដីខេត្តបាត់ដំបង និងផ្សាយផ្ទាល់នៅ PNN៕
ចែករំលែកព័តមាននេះ