ខេត្តឧត្តរមានជ័យ ៖ បញ្ហាគ្រឿងញៀនដែលកំពុងតែធ្វើចរាចរណ៍នៅគ្រប់បណ្តាខេត្តក្រុងនានាក្នុងប្រទេសកម្ពុជាធ្វើឱ្យយុវជន យុវតី កុមារា កុមារីនាំគ្នាគ្នីប្រើប្រាស់វង្វេងបាត់ការចង់ចាំខូចអស់ពីអនាគត់របស់ខ្លួន និងសង្គមជាតិលើសពីនោះថែមទាំងយកមុខរបរនេះជួញដូរ និងចែកចាយទៀតផង ។
ជាក់ស្តែងបុរស់ម្នាក់ឈ្មោះ ពន្លក សីហា អាយុ១៩ឆ្នាំ រស់នៅក្នុងភូមិអូរស្មាច់ សង្កាត់អូរស្មាច់ ក្រុងសំរោង ខេត្តឧត្តរមានជ័យ ត្រូវបានកំលាំងជំនាញធ្វើការសហការណ៍ជាមួយកំលាំងប៉ុស្គិ៍រដ្ឋបាលអូរស្មាច់ធ្វើការបង្ក្រាប់ឃាត់ខ្លួន និងឆែកឆេរកឃើញវត្ថុតាងថ្នាំញៀនប្រភេទមេតំហ្វេតាមីន(wy)ចំនួន៦៦គ្រាប់កាលពីព្រឹកថ្ងៃទី៤ ខែឧសភា ឆ្នាំ២០១៨ ដែលស្ថិតនៅចំណុចភូមិ-សង្កាត់ខាបលើនាំយកមកប៉ុស្គិ៍រដ្ឋបាលអូរស្មាច់ធ្វើការសាកសួបន្ត ។
យោងតាមសម្តីប្រជាពលរដ្ឋនៅក្នុងខេត្តក៏ដូចជាពលរដ្ឋដែលនៅក្រៅខេត្តឧត្តរមានជ័យផងដែរ គេតែងតែអង្កេតឃើញសមត្ថកិច្ចយកចិត្តទុក្ខដាក់ធ្វើការបង្ក្រាបជាញឹកញាប់ ខណៈនោះពួកគាត់នាំឆ្ងល់ថាមូលហេតុអីបានជាបង្ក្រាបការប្រើប្រាស និងជួញដូរនូវសារៈធាតុញៀននៅក្នុងប្រទេសគ្មានទីបញ្ចប់ ។
ប៉ូលិសការិយាល័យប្រឆាំងគ្រឿងញៀននៃស្នងការដ្ឋាននគបាលខេត្តបានឱ្យដឹងថា ប៉ូលិសបានយកចិត្តទុកដាក់ធ្វើការទប់ស្កាត់ក្នុងការប្រើប្រាស និងការជួញដូរគ្រឿងញៀនបានជាបន្តបន្ទាប់ហើយកសាងសំណុំរឿងជនសង្ស័យទៅតុលាការអមសាលាដំបូងខេត្តឧត្តរមានជ័យចាត់ការទៅតាមនិតិវិធីច្បាប់ ៕
ចែករំលែកព័តមាននេះ