រាជធានីភ្នំពេញ ៖ លោក ឈាង វុន ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា និងជាអ្នកនាំពាក្យបានប្រាប់សមាជិកព្រឹទ្ធសភាជប៉ុនថា…
រាជធានីភ្នំពេញ ៖ លោក ឈាង វុន ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា និងជាអ្នកនាំពាក្យបានប្រាប់សមាជិកព្រឹទ្ធសភាជប៉ុនថា ការបោះឆ្នោតអាណត្តទី៦ រដ្ឋសភាអាចនឹងមានគណបក្សនយោបាយចំនួន៣០ចូលរួមប្រកួតបករជែង ។ ការអះអាងរបស់លោក ឈាង វុន ធ្វើឡើងក្នុងជំនួបជាមួយ FUJITA Yukihisa សមាជិកព្រឹទ្ធសភាប្រទេសជប៉ុននារសៀលថ្ងៃទី៤ ខែឧសភា ឆ្នាំ២០១៨ នៅវិមានរដ្ឋសភា ខណៈដែលសមាជិកព្រឹទ្ធសភាមកបំពេញទស្សនកិច្ចនៅកម្ពុជា ។
នៅក្នុងជំនួបនោះលោក ឈាង វុន បានថ្លែងអំណរគុណចំពោះប្រទេសជប៉ុនដែលតែងតែជួយកម្ពុជានៅគ្រប់កាលៈទេសៈពិសេសការស្វែងរកសន្តិភាព ។ លោកបានលើកឡើងថា អ្វីដែលកម្ពុជាមាននៅពេលនេះគឺមិនអាចកាត់ផ្តាច់បានពីជំនួយរបស់ប្រទេសជប៉ុននោះទេ ។ កម្ពុជាបានហែលឆ្លងទុក្ខលំបាកជាច្រើនទម្រាំកសាងបាននូវប្រទេសជាតិមួយ ដែលមានសុខសន្តិភាព សេរីភាព ប្រជាធិបតេយ្យ និងវឌ្ឍនភាព ។
លោក ឈាង វុន បានគូសបញ្ជាក់ថា នេះជាការអនុវត្តលទ្ធិប្រជាធិបេត្យជាការផ្តល់សិទ្ធិសេរីភាព និងអំណាចជូនប្រជាពលរដ្ឋក្នុងការសម្រេចចិត្តជ្រើសរើសមេដឹកនាំ ។ នៅក្នុងដំណើរការរៀបចំការបោះឆ្នោតនេះក្នុងពេលបច្ចុប្បន្ននេះគណៈកម្មាធិការជាតិរៀបចំការបោះឆ្នោតបាននឹងកំពុងទទួលចុះឈ្មោះគណបក្សនយោបាយចូលរួមប្រកួតប្រជែង ហើយបើតាមការប៉ាន់ស្មានគឺនឹងមានគណបក្សនយោបាយជាច្រើនចូលរួមការបោះឆ្នោតដែលក្នុងនោះទំនងមិនតិចជាង៣០គណបក្សឡើយ ៕
ចែករំលែកព័តមាននេះ