ខេត្តកំពង់ធំ ៖ បុរសវ័យចំណាស់ម្នាក់ស្រវឹងស្រាជោកជាំចុះទៅដោះមងលង់ទឹកប្រឡាយស្លាប់យ៉ាងអាណោចអាធម៌ ហេតុការណ៍នេះបានបង្កឲ្យមានការភ្ញាក់មួយកើតឡើងកាលពីវេលាម៉ោង១២និង៣០នាទី ថ្ងៃទី៣ ខែឧសភា ឆ្នាំ២០១៨ ស្ថិតនៅចំណុចកក់វាល ក្នុងភូមិប្រាសាទ ឃុំសានគ ស្រុកកំពង់ស្វាយ ខេត្តកំពង់ធំ ។
សមត្ថកិច្ចនគរបាលស្រុកកំពង់ស្វាយបានឱ្យដឹងថា ជនរងគ្រោះឈ្មោះ ហុក ហេ ភេទប្រុស អាយុ៥៤ឆ្នាំ រស់នៅភូមិសង្គម ឃុំដំរីស្លាប់ ស្រុកកំពង់ស្វាយ ។
បើយោងតាមការបំភ្លឺពីសាច់ញាតិជនរងគ្រោះនិយាយថា ជនរងគ្រោះជាមនុស្សចូលចិត្តផឹកស្រាលុះនៅមុនពេលកើតហេតុខាងលើគេឃើញជនរងគ្រោះគាត់បានផឹកស្រាស្រវឹងជោកជាំក្រោយ មកគាត់ក៏បានចុះទឹកទៅដោះត្រីដែលជាប់មងនៅក្នុងប្រឡាយទឹកក៏បណ្តាលឲ្យលង់ទឹកស្លាប់តែម្តងបន្ទាប់ពីបាត់ជនរងគ្រោះមិនឃើញទៅផ្ទះហូបបាយកូនចៅបាននាំគ្នាដើររកក៏ប្រទះឃើញឪពុកបានលង់ទឹកស្លាប់បាត់ទៅហើយ ហើយក៏បានរាការណ៍ប្រាប់សមត្ថកិច្ចក្រោយពីពិនិត្យរួចសពត្រូវបានប្រគល់ជូនក្រុមគ្រួសារសាច់ញាតិយកទៅធ្វើបុណ្យតាមប្រពៃណី ៕
ចែករំលែកព័តមាននេះ