គង់ មុនីកា និងប្រធានគណបក្សមួយរូបទៀត រួមគ្នាថ្កោលទោស សម រង្ស៊ី
- ភ្នំពេញ
រាជធានីភ្នំពេញ ៖ កូនប្រុសពៅលោក គង់ គាំ អតីតមន្ត្រីជាន់ខ្ពស់មួយរូបរបស់អតីតគណបក្សប្រឆាំង គឺលោក គង់ មុនីកា ដែលបានបង្កើតគណបក្សនយោបាយថ្មីមួយឈ្មោះថា…
រាជធានីភ្នំពេញ ៖ កូនប្រុសពៅលោក គង់ គាំ អតីតមន្ត្រីជាន់ខ្ពស់មួយរូបរបស់អតីតគណបក្សប្រឆាំង គឺលោក គង់ មុនីកា ដែលបានបង្កើតគណបក្សនយោបាយថ្មីមួយឈ្មោះថា…
រាជធានីភ្នំពេញ ៖ កូនប្រុសពៅលោក គង់ គាំ អតីតមន្ត្រីជាន់ខ្ពស់មួយរូបរបស់អតីតគណបក្សប្រឆាំង គឺលោក គង់ មុនីកា ដែលបានបង្កើតគណបក្សនយោបាយថ្មីមួយឈ្មោះថា «គណបក្សឆន្ទៈខ្មែរ» នៅថ្ងៃទី៣ ខែឧសភា ឆ្នាំ២០១៨ នេះ បានចេញសេចក្តីថ្លែងការណ៍រួមមួយជាមួយនឹងប្រធានគណបក្ស មាតុភូមិយើង «ថ្កោលទោសចលនាសង្គ្រោះជាតិ» ដឹកនាំដោយលោក សម រង្ស៊ី និងការអំពាវនាវរបស់អតីតមេបក្សប្រឆាំងដែលបានអំពាវនាវឲ្យប្រជាពលរដ្ឋមិនទៅបោះឆ្នោត សម្រាប់ការបោះឆ្នោតជ្រើសតាំងតំណាងរាស្ត្រដែលនឹងប្រព្រឹត្តទៅនាថ្ងៃទី២៩ ខែកក្កដា ឆ្នាំ២០១៨ ខាងមុខនេះ ។
សេចក្តីថ្លែងការណ៍រួមដែលចុះហត្ថលេខាដោយលោក គង់ មុនីកា និងលោក ច័ន្ទ ប៊ុនហន ប្រធានគណបក្សមាតុភូមិយើងបានបញ្ជាក់ថា ៖ «គណបក្សឆន្ទៈខ្មែរ និងគណបក្សមាតុភូមិយើង ថ្កោលទោសចលនាសង្គ្រោះជាតិដឹកនាំដោយលោក សម រង្ស៊ី និងគោលបំណងចែកខិត្តប័ណ្ណ ព្រមទាំងអំពាវនាវឲ្យប្រជាពលរដ្ឋមិនទៅបោះឆ្នោត ហើយញុះញ៉ង់ឲ្យបង្កើតព្រឹត្តិការណ៍ និងការឆាចោលលទ្ធផលបោះឆ្នោតខាងមុខទាំងគ្មានហេតុផល គឺសុទ្ធតែជាគំនិតអាត្មានិយមជ្រុល របស់ក្រុមជនល្មោភអំណាចតាមអំពើហិង្សាជាបន្តបន្ទាប់ជាប់មិនដាច់ ដែលបណ្តាលឲ្យប្រជាពលរដ្ឋ សកម្មជន កម្មកររងគ្រោះគ្រប់យ៉ាង មានជាប់គុក និងស្លាប់បាត់បង់ជីវិតជំនួសពួកគេជាហូរហែ» ។
សូមបញ្ជាក់ថា សម្តចតេជោ ហ៊ុន សែន នាយករដ្ឋមន្ត្រីកម្ពុជា នាឱកាសអញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រគល់សញ្ញាបត្រដល់និស្សិតនៃសាកលវិទ្យាល័យធនធានមនុស្ស នៅវិទ្យាស្ថានជាតិអប់រំ រាជធានីភ្នំពេញ ព្រឹកថ្ងៃទី៣០ ខែមេសា ឆ្នាំ២០១៨ ក៏បានប្រតិកម្មទៅនឹងអតីតមេបក្សប្រឆាំង ដោយបញ្ជាក់យ៉ាងច្បាស់ថា ការបោះឆ្នោតជាតិ ២០១៨ ខាងមុខ សម្រាប់អាសន្នៈ ១២៥ នៅរដ្ឋសភា គឺគ្មានការប្រែប្រួល ពន្យាពេល ឬមិនបោះឆ្នោតនោះទេ ។ សម្តេចក៏បានរិះគន់មេបក្សប្រឆាំង និងមន្ត្រីរបស់ខ្លួនដែលតែងតែចោទប្រកាន់ថា គណបក្សតូចៗដែលបង្កើតថ្មីៗសុទ្ធគណបក្សអាយ៉ងរបស់គណបក្សកាន់អំណាច ។ សម្តេចបានបញ្ជាក់នាពលេនោះថា «ល្បែងប្រជាធិបតេយ្យនៅកម្ពុជាមិនត្រូវបានរាំងខ្ទប់ ដោយក្រុមការណាមួយនោះទេ ព្រោះប្រព័ន្ធសេរីពហុបក្សនៅតែបន្ត» ៕
ចែករំលែកព័តមាននេះ