រាជធានីភ្នំពេញ ៖ យុវជនម្នាក់ក្នុងចំណោមបក្សពួកពីរនាក់មិនដឹងថា មានរឿងអ្វីនោះទេក៏ត្រូវបានក្រុមក្មេងស្ទាវមួយក្រុមទៀតដែលមានគ្នា៧នាក់បានជិះម៉ូតូដេញតាមវាយបណ្តាលឱ្យរងរបួសធ្ងន់ ហេតុការណ៍នេះបង្កឱ្យមានការណ៍ភ្ញាក់ផ្អើលឡើងកាលពីវេលាម៉ោង២និង៥០នាទីរំលងអធ្រាត្រឈានចូល ថ្ងៃទី៣ ខែឧសភា ឆ្នាំ២០១៨ ទុលមុខនឹងក្លឹបកំសាន្តមួយកន្លែង ផ្លូវ២៧១…
រាជធានីភ្នំពេញ ៖ យុវជនម្នាក់ក្នុងចំណោមបក្សពួកពីរនាក់មិនដឹងថា មានរឿងអ្វីនោះទេក៏ត្រូវបានក្រុមក្មេងស្ទាវមួយក្រុមទៀតដែលមានគ្នា៧នាក់បានជិះម៉ូតូដេញតាមវាយបណ្តាលឱ្យរងរបួសធ្ងន់ ហេតុការណ៍នេះបង្កឱ្យមានការណ៍ភ្ញាក់ផ្អើលឡើងកាលពីវេលាម៉ោង២និង៥០នាទីរំលងអធ្រាត្រឈានចូល ថ្ងៃទី៣ ខែឧសភា ឆ្នាំ២០១៨ ទុលមុខនឹងក្លឹបកំសាន្តមួយកន្លែង ផ្លូវ២៧១ សង្កាត់ទួលទំពូង២ ខណ្ឌចំការមន ។
យុវជនដែលត្រូវគេដេញវាយបណ្តាលឱ្យរងរបួសធ្ងន់មិនទាន់ឱ្យស្គាល់អត្តសញ្ញាណនៅឡើយទេគ្រាន់តែដឹងថា ជិះម៉ូតូម៉ាកហុងដាឌ្រីមសង់ ស៊េរីឆ្នាំ២០១៧ ពណ៌ខ្មៅ ពាក់ផ្លាកលេខ កំពង់ឆ្នាំ 1D-5072 ។
តាមសម្តីអ្នកឃើញហេតុការណ៍បានឱ្យដឹងថា មុនពេលកើតហេតុពួកគាត់បានឃើញយុវជនរងគ្រោះ២នាក់បានជិះម៉ូតូម៉ាកហុងដាឌ្រីម ស៊េរីឆ្នាំ២០១៧ ពណ៌ខ្មៅ បានធ្វើដំណើរតាមផ្លូវ២៧១ក្នុងទិសដៅពីត្បូងទៅជើងបញ្ច្រាសទិសដៅចរាចរណ៍ក្នុងសភាពស្លន់ស្លោ ពេលនោះដែរក៏ស្រាប់តែក្មេងស្ទាវមួយក្រុមទៀតដែលមានគ្នា៧នាក់បានជិះម៉ូតូចំនួន៤គ្រឿងមិនចាំម៉ាកបានជិះដេញតាមជនរងគ្រោះដែលជិះម៉ូតូហុងដាឌ្រីមមកដល់ចំណុចខាងលើរួចហើយក្រុមក្មេងស្ទាវបានយកខ្សែក្រវ៉ាត់ និងដុំថ្ម វាយទៅលើយុវជនទាំងពីរនាក់បណ្តាលឱ្យយុវជនម្នាក់ក្នុងចំណោមបក្សពួក២នាក់រងរបួសបែកក្បាលផុងលលាដ៍សន្លប់ស្តូក ហើយមិត្តភក្តិម្នាក់រងរបួសតិចតួចបានរត់គេចខ្លួនរួច ។
ប្រភពដដែលបានបន្តទៀតថា បន្ទាប់ពីក្រុមក្មេងស្ទាវបានវាយទៅលើជនរងគ្រោះហើយស្របពេលនោះដែរសន្តិសុខដែលយាមនៅមុខក្លឹបបានចេញមកជួយធ្វើឱ្យក្រុមក្មេងស្ទាវខាងបង្កភ័យស្លន់ស្លោហើយបាននាំគ្នារត់គេចខ្លួនដោយបានបន្សល់ទុកម៉ូតូម៉ាកហុងដាប៊ីត ពណ៌ខៀវលាយស ពាក់ផ្លាកលេខ ភ្នំពេញ 1GX-6018 មួយគ្រឿងនៅនឹងកន្លែងកើតហេតុ ៕
ចែករំលែកព័តមាននេះ