ខេត្តបាត់ដំបង ៖ ប្រភពព័ត៌មានបានឱ្យដឹងថា ក្រុមចោរបានធ្វើសកម្មភាពកាច់សោ.កលួចយកម៉ូតូស៊េរីទំនើបចំនួន២លើកព្រមៗគ្នា តែកន្លែងផ្សេងគ្នាកើតឡើងនៅព្រឹកថ្ងៃទី០៣ ឧសភា នេះ រួចជិះគេចខ្លួនបានដោយសុវត្ថិភាព ។ ប្រភពដដែលបានឱ្យដឹងថា…
ខេត្តបាត់ដំបង ៖ ប្រភពព័ត៌មានបានឱ្យដឹងថា ក្រុមចោរបានធ្វើសកម្មភាពកាច់សោ.កលួចយកម៉ូតូស៊េរីទំនើបចំនួន២លើកព្រមៗគ្នា តែកន្លែងផ្សេងគ្នាកើតឡើងនៅព្រឹកថ្ងៃទី០៣ ឧសភា នេះ រួចជិះគេចខ្លួនបានដោយសុវត្ថិភាព ។
ប្រភពដដែលបានឱ្យដឹងថា ករណីទី១បានកើតឡើងនៅម៉ោង៧ និង៤៥នាទីព្រឹកនៅក្នុងផ្សារស្នឹង ដែលស្ថិតនៅភូមិស្នឹងខាងលិច ឃុំស្នឹង ស្រុកបាណន់ ។ ហើយម៉ូតូដែលត្រូវចោរលួចម៉ាកហុងដាឌ្រីម ពណ៌ខ្មៅស៊េរីឆ្នាំ២០១៨ គ្មានស្លាកលេខ ម្ចាស់ឈ្មោះទុយ ភេទប្រុស រស់នៅភូមិព្រះស្រែ ឃុំស្នឹង ស្រុកបាណន់។ បើតាមប្រភពខាងលើនេះបានបញ្ជាក់ថា កូនស្រីរបស់គាត់បានជិះម៉ូតូទៅទិញទំនិញនៅផ្សារស្នឹង ហើយទុកម៉ូតូនៅម្ដុំផ្សារបន្លែ លុះទិញរួចចេញមកវិញ រកម៉ូតូមិនឃើញក៏ផ្អើលឆោឡោតែម្ដង ។
ខណ:ពេលកំពុងមានការផ្អើលឆោឡោរឿងចោរលួចម៉ូតូនៅផ្សារស្នឹង ស្រាប់តែមានសេចក្ដីរាយការណ៍ថា ចោរបានកាច់សោ.កលួចយកម៉ូតូ១គ្រឿងទៀត នៅម៉ោង៨ព្រឹកថ្ងៃដដែល នៅក្នុងផ្សារដំណាក់ស្ដៅ ឃុំស្ដៅ ស្រុករតនៈមណ្ឌល ។ ម៉ូតូហុងដាឌ្រីមC125 ពណ៌ខ្មៅពាក់ស្លាកលេខ បាត់ដំបង 1OX-3950 ដែលមានម្ចាស់ឈ្មោះសៀក សប្បនា ភេទស្រី អាយុ១៥ឆ្នាំ រស់នៅភូមិរំជៃ ឃុំស្នឹង ស្រុកបាណន់។ ជនរងគ្រោះបានបាត់ម៉ូតូ នៅពេលកំពុងចូលផ្សារដើរទិញទំនិញ។
មានការកត់សម្គាល់ថា ក្រុមចោរហាក់មានសកម្មគួរឱ្យព្រួយបារម្ភនៅតាមបណ្ដាស្រុកនានា ខណ:នៅក្នុងក្រុងបាត់ដំបង ហាក់ស្ងប់ស្ងាត់បន្តិចក្នុងរយ:ពេលជាងកន្លះខែកន្លងទៅនេះ ។ ដោយឡែកនៅផ្សារស្នឹង បើតាមអាជីវករបាននិយាយថា កាលពីព្រឹកថ្ងៃទី០២ ឧសភា ក៏មានចោរបម្រុងកាច់សោលួចយលម៉ូតូម្ដងដែរ តែសំណាងល្អម្ចាស់ម៉ូតូចេញពីផ្សារទាន់ ហើយជននោះក៏គេចខ្លួនបាត់ភ្លាមៗដែរ ។ ប្រជាពលរដ្ឋ គួរតែមានការប្រុងប្រយ័ត្នចំពោះយានយន្តរបស់ខ្លួន ដែលជិះទៅផ្សារ ឬទុកនៅខាងមុខផ្ទះ ៕
ព័ត៌មានលម្អឹតមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ