អតីតសង្សារចិត្តពាល វាយសង្សារខ្លួនឯងហើមមុខខៀវភ្នែក
- កណ្តាល
ខេត្តកណ្តាល ៖ នៅល្ងាចថ្ងៃទី០២ ខែឧសភា ឆ្នាំ២០១៨នេះ លោក ផូង វណ្ណ ចៅក្រមស៊ើបសួរ សាលាដំបូងខេត្តកណ្តាល…
ខេត្តកណ្តាល ៖ នៅល្ងាចថ្ងៃទី០២ ខែឧសភា ឆ្នាំ២០១៨នេះ លោក ផូង វណ្ណ ចៅក្រមស៊ើបសួរ សាលាដំបូងខេត្តកណ្តាល បានសម្រេចចេញដីកា ឃុំខ្លួនបុរសម្នាក់ បានលើកដៃវាយសង្សាររបស់ខ្លួន ឯងហើមមុខ ខៀវភ្នែក ដាក់ពន្ធនាគារបណ្តោះអាសន្ន ពីបទ”ហិង្សាដោយចេតនា” ដែលប្រព្រឹត្តនៅ ភូមិលេខ១ក ឃុំស្វាយរលំ ស្រុកស្អាង ខេត្តកណ្តាល កាលពីថ្ងៃទី០១ ខែឧសភា ឆ្នាំ២០១៨ តាមមាត្រា២១៧ នៃក្រមព្រហ្មទណ្ឌ។ ជនត្រូវចោទមានឈ្មោះ ពៅ បូរី ហៅឆាលី ភេទប្រុស អាយុ២៨ឆ្នាំ ជនជាតិខ្មែរ មានទីលំនៅៗភូមិព្រែកឡុង ឃុំរកាខ្ពស់ ស្រុកស្អាង ខេត្តកណ្ដាល មុខរបរជាងដែក។
ជនរងគ្រោះឈ្មោះ សុខ ស្រីមុំ ភេទស្រី អាយុ២៣ឆ្នាំ ជនជាតិខ្មែរ ទីកន្លែងកំណើត ភូមិកាន់ទ្រុង ឃុំតានី ស្រុកអង្គរជ័យ ខេត្តកំពត បច្ចុប្បន្នស្នាក់នៅបណ្ដោះអាសន្ន ភូមិលេខ១(ក) ឃុំស្វាយរលំ ស្រុកស្អាង ខេត្តកណ្ដាល មុខរបរបម្រើការកោសជប់ និងម៉ាស្សា។ នគរបាលបានឲ្យដឹងថា នៅថ្ងៃទី០១ ខែឧសភា ឆ្នាំ២០១៨ វេលាម៉ោង៩ និង៣០នាទី ឈ្មោះ សុខ ស្រីមុំ កំពុងកោសជប់ឲ្យភ្ញៀវក្នុងផ្ទះខាងលើ ស្រាប់តែឈ្មោះ ពៅ បូរី (ជនសង្ស័យ)មានសភាពស្រវឹងស្រា បានទៅរករឿង ឈ្មោះ សុខ ស្រីមុំ ដល់កន្លែងកោសជប់ហើយបានស្រែកហៅឈ្មោះ សុខ ស្រីមុំ ឲ្យចេញក្រៅ។
ប៉ុន្ដែឈ្មោះ សុខ ស្រីមុំ មិនបានចេញក្រៅ ទើបឈ្មោះ ពៅ បូរីចូល ក្នុងផ្ទះកោសជប់ ហើយបានចាប់វាយទៅលើឈ្មោះ សុខ ស្រីមុំ (ជនរងគ្រោះ) ដោយដៃជាច្រើនដៃបណ្តាលឲ្យមានស្នាមហើមជាំ និងមុតតែម្ដង។ សូមបញ្ជាក់ថា ជនរងគ្រោះ និងជនសង្ស័យខាងលើជាសង្សារនឹងគ្នា អ្នកទាំងពីរបានស្រឡាញ់គ្នាបានរយៈពេល០៤ខែ មកហើយ មកដល់ពេលនេះ៕
ចែករំលែកព័តមាននេះ