រាជធានីភ្នំពេញ ៖ កម្លាំងមានសមត្ថកិច្ចបង្ក្រាបកន្លែងភ្នាល់បាល់តាមប្រព័ន្ធអ៊ីនធើណេតមួយកន្លែង ដោយធ្វើការឃាត់ខ្លួនទាំងអ្នកលេង និងមេការចំនួន១១នាក់ រួមទាំងវត្ថុតាងមួយចំនួនធំទៀតផង ទីតាំងភ្នាល់បាល់តាមប្រព័ន្ធអ៊ីនធើណេតមួយកន្លែង ត្រូវបានកម្លាំងនាយកដ្ឋានប្រឆាំងបទល្មើស ល្បែងពាណិជ្ជកម្ម ដោយមានការសម្របសម្រួលអំពីសំណាក់លោក…
រាជធានីភ្នំពេញ ៖ កម្លាំងមានសមត្ថកិច្ចបង្ក្រាបកន្លែងភ្នាល់បាល់តាមប្រព័ន្ធអ៊ីនធើណេតមួយកន្លែង ដោយធ្វើការឃាត់ខ្លួនទាំងអ្នកលេង និងមេការចំនួន១១នាក់ រួមទាំងវត្ថុតាងមួយចំនួនធំទៀតផង ទីតាំងភ្នាល់បាល់តាមប្រព័ន្ធអ៊ីនធើណេតមួយកន្លែង ត្រូវបានកម្លាំងនាយកដ្ឋានប្រឆាំងបទល្មើស ល្បែងពាណិជ្ជកម្ម ដោយមានការសម្របសម្រួលអំពីសំណាក់លោក សៀង សុខ ព្រះរាជអាជ្ញារង អមសាលាដំបូងរាជធានីភ្នំពេញ។ បានឆ្មក់ចុះបង្ក្រាប ដោយធ្វើការឃាត់ខ្លួនទាំងអ្នកលេង និងបុគ្គលិក ប្រុសស្រីសរុបចំនួន១១នាក់ ម៉ូតូចំនួន១២គ្រឿង កុំព្យូទ័រ បុងភ្នាល់បាល់ រួមទាំងវត្ថុតាងផ្សេងៗមួយ ចំនួនធំទៀតផង។ ប្រតិបត្តិការបង្ក្រាបនេះដែរបានធ្វើឡើងកាលពីវេលាម៉ោង៤ និង៣០នាទីល្ងាច ថ្ងៃទី ០២ ខែឧសភា ឆ្នាំ២០១៨ នៅកន្លែងភ្នាល់បាល់តាមប្រព័ន្ធអ៊ីនធើណេតមួយកន្លែង ដែលស្ថិតនៅ ផ្ទះលេខ២៦ ផ្លូវលេខ៤៧៤ ក្នុងសង្កាត់បឹងត្របែក ខណ្ឌចម្ការមន។
តាមប្រភពព័ត៌មានពីសមត្ថកិច្ច បានប្រាប់ឱ្យដឹងថា ក្រោយពីមានការស្រាវជ្រាវអំពីសំណាក់កម្លាំងជំនាញរបស់នាយកដ្ឋាន ប្រឆាំងបទល្មើសល្បែងពាណិជ្ជកម្មរបស់ក្រសួងមហាផ្ទៃ នាពេលកន្លងមកនេះ ដោយបានដឹងច្បាស់ថា ទីតាំងខាងលើពិតជាបានប្រកបអាជីវកម្មល្បែងស៊ីសងខុសច្បាប់ប្រភេទភ្នាល់បាល់តាមប្រព័ន្ធអ៊ីនធើណេតនោះ។ កម្លាំងរបស់លោក ដោយមានការសម្របសម្រួល អំពីសំណាក់លោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញនោះ នៅពេលនេះដែរក៏បានធ្វើការចុះបង្ក្រា បជាក់ស្តែងតែម្តង។ តាមប្រភពដដែលបានប្រាប់បន្តទៀតថាក្នុងប្រតិបត្តិការបង្ក្រាបទីតាំងល្បែងស៊ីសង ខុសច្បាប់ប្រភេទភ្នាល់បាល់តាមប្រព័ន្ធអ៊ីនធើណេតនេះដែរ កម្លាំងរបស់លោកក៏បានធ្វើការឃាត់ខ្លួន បុរសៗជាអ្នកលេងបានចំនួន៧នាក់ និងបុគ្គលិកអ្នកមើលការខុសត្រូវចំនួន៤នាក់ក្នុងនោះមាន បុរសចំនួន២នាក់ និងនារីចំនួន២នាក់ សរុបមនុស្សចំនួន១១នាក់។
ក្រៅពីមនុស្សនោះ កម្លាំងរបស់លោកក៏បានធ្វើការដកហូតបានវត្ថុតាងដែលពាក់ព័ន្ធ មួយចំនួនទៀត ដោយមានម៉ូតូចំនួន ១២គ្រឿង កុំព្យូទ័រជាច្រើនគ្រឿង ក្រដាសបុងភ្នាល់បាល់ តុ កៅអី រួមទាំងឧបករណ៍ដែលទាក់ទងទៅនឹង បទល្មើស ល្បែងស៊ីសងនេះមួយចំនួនធំទៀតផងដែរ។ ក្រោយពីប្រតិបត្តិការបង្ក្រាបល្បែងភ្នាល់បាល់ ជាក់ស្តែងនៅក្នុងទីតាំងខាងលើនេះ មនុស្សប្រុស ស្រី ទាំង១១នាក់ ក្នុងនោះមានទាំងអ្នកលេង និង បុគ្គលិកអ្នកមើលការខុសត្រូវផងដែរនោះ ម៉ូតូទាំង១២គ្រឿង កុំព្យូទ័រជាច្រើនគ្រឿង ក្រដាសបុងចាក់បាល់ តុ កៅអី រួមទាំងវត្ថុតាមមួយចំនួនធំទៀត ក៏បានធ្វើការបញ្ជូនទៅកាន់នាយកដ្ឋានប្រឆាំងបទ ល្មើសល្បែងពាណិជ្ជកម្មនៃក្រសួងមហាផ្ទៃ ដើម្បីចាត់ការទៅតាមនិតិវិធីច្បាប់ជាបន្តទៅទៀត។ ចំណែកឯទីតាំងខាងលើក៏ធ្វើបានការបិទអាជីវកម្មជាបណ្តោះអាសន្នផងដែរ៕
https://youtu.be/LXRwlyj_8HI
ចែករំលែកព័តមាននេះ