អង្គការសហប្រជាជាតិ ៖ ទីភ្នាក់ងារអន្តោប្រវេសន៍អង្គការសហប្រជាជាតិប្រកាសនាថ្ងៃទី១ ឧសភា ថា ជនអន្តោប្រវេសន៍៦០៦នាក់បានស្លាប់ ខណៈពេលពួកគេឆ្លងកាត់សមុទ្រមេឌីទែរ៉ាណេ ឆ្ពោះមកកាន់អឺរ៉ុបរយៈពេល៤ខែដំបូងនៃឆ្នាំនេះ ក្នុងនោះមាន២១៧នាក់ប៉ុនប៉ងមកកាន់ឆ្នេរសមុទ្រអេស្ប៉ាញ។ លោក…
អង្គការសហប្រជាជាតិ ៖ ទីភ្នាក់ងារអន្តោប្រវេសន៍អង្គការសហប្រជាជាតិប្រកាសនាថ្ងៃទី១ ឧសភា ថា ជនអន្តោប្រវេសន៍៦០៦នាក់បានស្លាប់ ខណៈពេលពួកគេឆ្លងកាត់សមុទ្រមេឌីទែរ៉ាណេ ឆ្ពោះមកកាន់អឺរ៉ុបរយៈពេល៤ខែដំបូងនៃឆ្នាំនេះ ក្នុងនោះមាន២១៧នាក់ប៉ុនប៉ងមកកាន់ឆ្នេរសមុទ្រអេស្ប៉ាញ។
លោក Joel Millman អ្នកនាំពាក្យអង្គការអន្តោប្រវេសន៍អន្តរជាតិ OIM បានថ្លែងក្នុងសន្និសីទសារព័ត៌មានមួយនៅក្រុងហ្សឺណែវ ថា ចំនួនមនុស្សស្លាប់ពេលដែលផ្សងព្រេងមកកាន់អេស្ប៉ាញគឺមានចំនួនច្រើន ហើយនាចុងសប្ដាហ៍កន្លងទៅនេះ មានដល់ទៅ២១៧នាក់។ ក្នុងឆ្នាំ២០១៧ មានអ្នកស្លាប់២២៤នាក់ ហើយចំនួនអ្នកស្លាប់តាមផ្លូវមកកាន់អេស្ប៉ាញមានការកើនឡើងយ៉ាងច្បាស់ ខណៈចំនួនសរុបនៃអ្នកស្លាប់មានការចុះថយជិតពាក់កណ្ដាល គឺចំនួន៦០៦នាក់ ទល់នឹងឆ្នាំមុន១១២១នាក់។
ឆ្នាំនេះមកទល់បច្ចុប្បន្នមនុស្សជិត២២.០០០នាក់បានមកដល់អឺរ៉ុបតាមសមុទ្រ តិចជាងពាក់កណ្ដាល បើប្រៀបធៀបទៅនឹងកាលពីឆ្នាំមុន៕
ចែករំលែកព័តមាននេះ