រាជធានីភ្នំពេញ ៖ ទីតាំងអុីនធើរណេត២៤ម៉ោងបង្កប់ល្បែងស៊ីសងមួយកន្លែង បានត្រូវអាជ្ញាធរខណ្ឌសែនសុខចុះបង្ក្រាប កាលពីវេលាម៉ោង៣ និង៣០នាទីរសៀលថ្ងៃទី៣០ មេសា ដោយឃាត់ខ្លួនបុគ្គលិកចំនួន៤នាក់ ក្នុងនោះមាននារីម្នាក់ ព្រមទាំងដកហូតកំព្យូទ័រចំនួន១៤គ្រឿង…
រាជធានីភ្នំពេញ ៖ ទីតាំងអុីនធើរណេត២៤ម៉ោងបង្កប់ល្បែងស៊ីសងមួយកន្លែង បានត្រូវអាជ្ញាធរខណ្ឌសែនសុខចុះបង្ក្រាប កាលពីវេលាម៉ោង៣ និង៣០នាទីរសៀលថ្ងៃទី៣០ មេសា ដោយឃាត់ខ្លួនបុគ្គលិកចំនួន៤នាក់ ក្នុងនោះមាននារីម្នាក់ ព្រមទាំងដកហូតកំព្យូទ័រចំនួន១៤គ្រឿង ។ ទីតាំងអុីនធើរណេតបង្កប់ល្បែងស៊ីសងនេះ មានយីហោ«ហ្វ័រជីអុីនធើរណេត៨៨» ស្ថិតនៅផ្ទះលេខ៣DE0 តាមផ្លូវលេខ២៧១ ក្នុងភូមិអូរបែកក្អម សង្កាត់អូរបែកក្អម ខណ្ឌសែនសុខ ។ ទោះជាយ៉ាងណា បុគ្គលិកទាំង៤នាក់ដែលឃាត់ខ្លួននេះពុំត្រូវបានស្គាល់ឈ្មោះឡើយ ។
តាមព័ត៌មានឱ្យដឹងថា ទីតាំងណេត២៤ម៉ោងនេះ បានបង្កប់ល្បែងស៊ីសងដែលម្ចាស់បើកលេងជាយូរមកហើយ ទើបតែពេលនេះ មានប្រជាពលរដ្ឋប្តឹងទើបអាជ្ញាធរចុះបង្ក្រាបតែម្តង ។ អាជ្ញាធរខណ្ឌសែនសុខបានឱ្យដឹងថា ទីតាំងអុីនធើរណេតនេះមានលិខិតអនុញ្ញាតពីរដ្ឋបាលរាជធានីភ្នំពេញ,លិខិតពីនិយ័តករទូរគមនាគមន៍កម្ពុជា និងលិខិតរបស់ការិយាល័យច្រកចេញចូលតែមួយរបស់សាលាខណ្ឌសែនតែហួសសុពលភាព ។ មិនតែប៉ុណ្ណោះ អាជ្ញាធរពិនិត្យឃើញថាទីតាំងនេះមានបង្កប់ល្បែងស៊ីសងគឺខុសច្បាប់ ។
តាមអាជ្ញាធរខណ្ឌបានឱ្យដឹងថា នៅក្នុងការចុះបង្ក្រាបទីតាំងអុីនធើរណេតបង្កប់ល្បែងស៊ីសងនេះ ក្រៅពីឃាត់ខ្លួនបុគ្គលិកមើលការខុសត្រូវចំនួន៤នាក់ ព្រមទាំងដកហូតកំព្យូទ័រចំនួន១៤គ្រឿង នៅមានប្រាក់ចំនួន៣.៣១៦ដុល្លារនិង១.៣១២.៥០០រៀល និងម៉ូតូ៣គ្រឿងទៀត។
គួរបញ្ជាក់ថា នៅក្នុងខណ្ឌសែនសុខ មានទីតាំងអុីនធើរណេត២៤ម៉ោងជាច្រើនកន្លែងទៀតដែលគេះអាងថា សុទ្ធតែមានបង្កប់ល្បែងស៊ីសងនិងខ្លះទៀតលួចលាក់លេងដោយដោះស្លាកចេញក៏មានដែរ ។ ទីតាំងល្បែងស៊ីសងទាំងនោះសុទ្ធតែជ្រកក្រោមច្បាប់អនុញ្ញាតមិនប្រក្រតី និងមានការឃុបឃិតគ្នា ៕
ចែករំលែកព័តមាននេះ