ខេត្តប៉ៃលិន ៖ កម្លាំងនគរបាលធ្វើការបង្ក្រាបបទល្មើសល្បែងស៊ីសងខុសច្បាប់ (កន្ទុយលេខឆ្នោតមួយកន្លែង ដោយឃាត់ខ្លួនស្ត្រីមេឆ្នោតដុះស្លែម្នាក់ ។ ហេតុការណ៍ចុះបង្ក្រាបនេះបានធ្វើឡើងកាលពីវេលាម៉ោង១ និង០០នាទីរសៀលថ្ងៃទី0១ ខែឧសភា ឆ្នាំ២០១៨…
ខេត្តប៉ៃលិន ៖ កម្លាំងនគរបាលធ្វើការបង្ក្រាបបទល្មើសល្បែងស៊ីសងខុសច្បាប់ (កន្ទុយលេខឆ្នោតមួយកន្លែង ដោយឃាត់ខ្លួនស្ត្រីមេឆ្នោតដុះស្លែម្នាក់ ។ ហេតុការណ៍ចុះបង្ក្រាបនេះបានធ្វើឡើងកាលពីវេលាម៉ោង១ និង០០នាទីរសៀលថ្ងៃទី0១ ខែឧសភា ឆ្នាំ២០១៨ នៅចំណុចផ្សារសាលាក្រៅ ស្ថិតក្នុងភូមិវាល ឃុំសាលាក្រៅ ស្រុកសាលាក្រៅ ខេត្តប៉ៃលិន ។
ប្រភពព័ត៌មានបានឱ្យដឹងថា ស្ត្រីដែលនគរបាលឃាត់ខ្លួនឈ្មោះ ទី សោភណ្ណ័ អាយុ៣៦ឆ្នាំ រស់នៅភូមិវាល ឃុំសាលាក្រៅ ស្រុកសាលាក្រៅ រួមនឹងសៀវភៅកត់កន្ទុយលេខឆ្នោត១ក្បាល ក្រដាសកន្ទុយលេខកត់រួច ចំនួន៤សន្លឹក ។
ពាក់ព័ន្ធនឹងបញ្ហានេះ បច្ចុប្បន្នកម្លាំងជំនាញនៃអធិការដ្ឋាននគរបាលស្រុកសាលាក្រៅកំពុងកសាងសំណុំរឿង ដើម្បីបញ្ជូនទៅតុលាការឱ្យចាត់ការទៅតាមនីតិវិធី ។
ចំណែកប្រភពពីប្រជាពលរដ្ឋរស់នៅក្បែរៗ កន្លែងកើតហេតុបានបង្ហើបឱ្យដឹងថា ការចាប់ឃាត់ខ្លួនស្ត្រីមេឆ្នោតខាងលើនេះត្រូវគេទារឱ្យបង់លុយកាក់ជាច្រើន ទើបដោះលែងឱ្យត្រឡប់ទៅវិញ បើពុំដូច្នោះទេ អាចនឹងប្រឈមជាប់ពន្ធនាគារផងដែរ ។ ទោះបីជាយ៉ាងណាក៏ដោយគេចាំមើលចំណាត់ការរបស់នគរបាលក៏ដូចជា ខាងច្បាប់ផងដែរ ៕
ចែករំលែកព័តមាននេះ