រាជធានីភ្នំពេញ ៖ បុរសម្នាក់បានដេកខ្យល់.គស្លាប់នៅក្នុងការដ្ឋានសំណង់មួយកន្លែងក្បែរនឹងអង់តែនទួលគោកត្រូវបានអ្នកធ្វើសំណង់ដូចគ្នាប្រទះឃើញផ្អើលដល់សមត្ថកិច្ច ហេតុការណ៍នេះបានកើតឡើងកាលពីវេលាម៉ោង៤ល្ងាចថ្ងៃទី១ ខែឧសភា ឆ្នាំ២០១៨ តាមបណ្តោយផ្លូវបេតុង នៅចំណុចការដ្ឋានដីឡូត៍មួយកន្លែងកំពុងតែសាងសង់ ស្ថិតនៅក្នុងសង្កាត់ទួលសង្កែ១ ខណ្ឌឬស្សីកែវ ។
ជនរងគ្រោះដែលស្លាប់មានឈ្មោះ កែម សឿន ភេទប្រុស អាយុ៣៦ឆ្នាំ មុខរបរជាកម្មករសំណង់ ស្នាក់នៅកន្លែងកើតហេតុខាងលើ មានស្រុកកំណើតនៅ ភូមិកំរ៉ែង ឃុំស្វាយសរ ស្រុកក្រគរ ខេត្តពោធិ៍សាត់ ។
តាមប្រភពព័ត៌មានពីសមត្ថកិច្ចបានឱ្យដឹងថា មុនពេលកើតហេតុជនរងគ្រោះធ្វើការធម្មតាចូលមកធ្វើបានរយៈពេល៣ខែក្នុងមួយថ្ងៃបាន១០ដុល្លារ លុះពេលដល់ថ្ងៃកើតហេតុក៏ស្រាបតែជនរងគ្រោះមិនសូវស្រួលខ្លួនហើយក៏សុំច្បាប់ដេករហូតដល់ម៉ោង៤ល្ងាចទើបអ្នកធ្វើការជាមួយមិនឃើញគាត់ដកដង្ហើមក៏ឡើងទៅប៉ះដើមទ្រូងមើលឃើញជនរងគ្រោះមិនបានដកដង្ហើមក៏ផ្អើលដល់អ្នកធ្វើការជាមួយនឹងជនជាតិចិនចោមរោមមើលរួចរាយការណ៍ទៅដល់សមត្ថកិច្ចមូលដ្ឋានប៉ុស្តិ៍ទួលសង្កែ១ឱ្យចុះមកពិនិត្យ និងធ្វើកោសល្យវិច្ច័យ ។
តាមការពិនិត្យរបស់សមត្ថកិច្ចបានឲ្យដឹងថា ស្លាប់ដោយសារខ្យល់.គ ក្រោយពេលកើតហេតុសពជនរងគ្រោះត្រូវបានអ្នកស្គាល់គ្នាដឹកទៅឱ្យក្រុមគ្រួសារនៅឯស្រុកកំណើតខេត្តពោធិ៍សាត់ដើម្បីធ្វើបុណ្យទៅតាមប្រពៃណី ។ ជនរងគ្រោះស្លាប់ចោលបន្សល់ទុកកូន៣នាក់ ប៉ុន្តែបានលែងលះប្រពន្ធគាត់តាំងពីយូរមកហើយ ៕
ចែករំលែកព័តមាននេះ