រាជធានីភ្នំពេញ ៖ រថយន្តដឹកទឹកសុទ្ធមួយគ្រឿងដែលអ្នកបើកបរអះអាងថា ជាន់ហ្វ្រាំងមិនស៊ី ជ្រុលទៅបុករថយន្តស៊េរីថ្មីមួយគ្រឿង និងជ្រុលទៅបុកបង្គោលភ្លើងពេញទំហឹង បណ្តាលឲ្យរថយន្តខ្ទេចមុខ ។ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៨ព្រឹកថ្ងៃទី០២ ខែឧសភា…
រាជធានីភ្នំពេញ ៖ រថយន្តដឹកទឹកសុទ្ធមួយគ្រឿងដែលអ្នកបើកបរអះអាងថា ជាន់ហ្វ្រាំងមិនស៊ី ជ្រុលទៅបុករថយន្តស៊េរីថ្មីមួយគ្រឿង និងជ្រុលទៅបុកបង្គោលភ្លើងពេញទំហឹង បណ្តាលឲ្យរថយន្តខ្ទេចមុខ ។ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៨ព្រឹកថ្ងៃទី០២ ខែឧសភា ឆ្នាំ២០១៨ នៅតាមផ្លូវលេខ ១៩៨៦ កែងផ្លូវលេខ ១០១១ ក្នុងភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ។
រថយន្តដែលបុកបង្គោលភ្លើង ម៉ាកហ៊ីយ៉ានដាយ ពណ៌ស ពាក់ស្លាកលេខភ្នំពេញ ២D-៩០៧០ បើកបរដោយឈ្មោះ ហៀង រ៉ាវី ភេទប្រុស អាយុ ២៥ឆ្នាំ មានលំនៅភូមិទី៣ សង្កាត់ជ្រោយចង្វារ ខណ្ឌជ្រោយចង្វារ ជាអ្នកបើកបរដឹកទឹកសុទ្ធ ឲ្យក្រុមហ៊ុន ។ ចំណែករថយន្តស៊េរីថ្មី ពណ៌ទឹកប្រាក់ ពាក់ស្លាកលេខ ភ្នំពេញ២AC- ២០៩៧ បើកបរដោយស្ត្រីម្នាក់ឈ្មោះ កាង កានីឡែន អាយុ៤៤ឆ្នាំ ជាមេធាវី មានលំនៅ ភូមិត្រពាំងល្វា សង្កាត់កាកាប១ ខណ្ឌពោធិ៍៍ សែនជ័យ រថយន្តនោះបានរងការខូចខាតផ្នែកខាងមុខ ។
តាមព័ត៌មានឲ្យដឹងថា នៅមុនពេលកើតហេតុគេឃើញរថយន្តដឹកទឹកសុទ្ធធ្វើដំណើរតាមផ្លូវលេខ១៩៨៦ ក្នុងទិសដៅពីកើតទៅលិច ។ នៅពេលធ្វើដំណើរមកដល់កន្លែងកើតហេតុ មានរថយន្តស៊េរីថ្មីមួយគ្រឿងធ្វើដំណើរមកពីលិចទៅកើតបត់ឆ្វេងទៅតាមផ្លូវលេខ១០១១ ស្រាប់តែរថយន្តដឹកទឹកសុទ្ធជ្រុលមកបុកកៀរបញ្ឆិតក្បាល ហើយរថយន្តដឹកទឹកសុទ្ធជ្រុលទៅបុកបង្គោលភ្លើងពេញទំហឹង បណ្តាលឲ្យបាក់បង្គោលស្លាកសញ្ញាឈប់ចំនួន២ដើម តែបង្គោលពុំបានរងការខូខាតឡើយ ។
ចំណែករថយន្តខ្ទេចមុខធ្លាក់កាង តែសំណាងល្អអ្នកបើកបរមិនមានរងរបួសឡើយ ។
តាមអ្នកបើកបររថយន្តដឹកសុទ្ធបានឲ្យដឹងថា មូលហេតុដែលកើតមានគ្រោះថ្នាក់ដោយសារ តែរថយន្តហ្វ្រាំងមិនស៊ី ។ បន្ទាប់ពីកើតហេតុនគរបាលមូលដ្ឋានក៏បានចុះទៅកន្លែងកើតហេតុទាក់ទងទៅនគរបាលជំនាញបញ្ជូនទៅកាន់ការិយាល័យចរាចរណ៍ផ្លូវគោក ដើម្បីដោះស្រាយសងការខូចខាត ៕
ចែករំលែកព័តមាននេះ