ជំនួបជើងទី២នៅឆេមពានលីគវគ្គពាក់កណ្តាលផ្តាច់ព្រ័ត្រនារាត្រីនេះ គឺជាការបើកកីឡដ្ឋានរបស់ក្រុមម្ចាស់ផ្ទះ Roma ស្វាគមន៍ក្រុមមកពីអង់គ្លេស Liverpool ដើម្បីសងសឹកលើរបួសចាស់កាលពីជើងទី១ និងបន្តក្តីសុបិនរបស់ខ្លួនឆ្ពោះទៅវគ្គផ្តាច់ព្រ័ត្រ ។ បរាជ័យនៅជើងទី១បានធ្វើឱ្យ Roma…
ជំនួបជើងទី២នៅឆេមពានលីគវគ្គពាក់កណ្តាលផ្តាច់ព្រ័ត្រនារាត្រីនេះ គឺជាការបើកកីឡដ្ឋានរបស់ក្រុមម្ចាស់ផ្ទះ Roma ស្វាគមន៍ក្រុមមកពីអង់គ្លេស Liverpool ដើម្បីសងសឹកលើរបួសចាស់កាលពីជើងទី១ និងបន្តក្តីសុបិនរបស់ខ្លួនឆ្ពោះទៅវគ្គផ្តាច់ព្រ័ត្រ ។ បរាជ័យនៅជើងទី១បានធ្វើឱ្យ Roma ដឹងពីសមត្ថភាពគូប្រកួតកាន់តែច្រើន ក៏ដូចជាស្វែងយល់នូវភាពចន្លោះប្រហោងរបស់ខ្លួនផងដែរ ។
ចំពោះប្រវត្តិប៉ះគ្នា៥ប្រកួតចុងក្រោយនាពេលកន្លងមក Roma ឈ្នះ៣និងចាញ់២ ប៉ុន្តែជ័យជម្នះទាំងនោះ គឺបានពីការប្រកួតមិត្តភាពប៉ុណ្ណោះ ខណៈ Liverpool ឈ្នះពេលលេងនៅឆេមពានលីគដោយលត់២ទល់នឹង០កាលពីឆ្នាំ២០០២ ក្នុងវគ្គជម្រុះតាមពូល និងថ្មីៗនេះ៥ទល់នឹង២ ។
ទោះបីយ៉ាងណា Roma គឺជាក្រុមដែលរឹងមាំបំផុតនៅទឹកដីខ្លួនឯង តួយ៉ាង Barcelona ត្រូវបានក្រុមចចកញីមួយនេះវាយបកទម្លាក់នៅជើងទី២វិញដ៏គួរឱ្យភ្ញាក់ផ្អើលបំផុត ។ ដូច្នេះក្នុងនាមជាម្ចាស់ផ្ទះ Romaសង្ឃឹមយ៉ាងមុតមាំថា នឹងអាចធ្វើឱ្យ Liverpool ទៅផ្ទះវិញទាំងទឹកភ្នែក ។ កីឡាករពីររូបដែលនឹងមិនអាចជួយក្រុមបានមាន Karsdorp និង Gregoire Defrel ។
សមត្ថភាព Liverpool នាបច្ចុប្បន្ននេះ ប្រៀបដូចជាក្រុមមួយដែលកំពុងស្រេកឃ្លានជ័យជម្នះយ៉ាងខ្លាំង ស្របពេលដែលខ្សែប្រយុទ្ធរឹតតែមុតស្រួចគួរឱ្យកត់សម្គាល់ ។ តារាឆ្នើម Mohamed Salah បានវិវត្តខ្លួនសឹងមិនគួរឱ្យជឿនារយៈពេលចុងក្រោយនេះ និងតែងតែជាតួអង្គសំខាន់នៅពីក្រោយជ័យជម្នះរបស់ក្លិបហង្សក្រហមទៀតផង ។ សមរភូមិកាន់តែក្តៅ ភាពអង់អាចរបស់កូនក្រុមកាន់តែខ្លាំងក្លាជាមួយនឹងយុទ្ធសាស្ត្រប្រយុទ្ធក្រោមការដឹកនាំរបស់គ្រូបង្វឹក Jürgen Klopp រឹតតែធ្វើឱ្យ Liverpool ក្លាយជាក្រុមដ៏គ្រោះថ្នាក់បំផុតសម្រាប់គូប្រកួត ។ យ៉ាងណាមិញកីឡាករ៣រូបដែលអាចនឹងខកខានការប្រកួតនាយប់នេះរួមមាន Adam Lallan, Joel Matip, Emre Can និង Chamberlain ព្រោះតែបញ្ហារបួស ។
សមរភូមិលើវាលស្មៅរវាងក្រុមខ្លាំងទាំងពីរខាងលើ ត្រូវបានគេហទំព័រទស្សន៍ទាយកីឡាទាយថា ថ្វីបើ Roma មានប្រៀបលើទឹកដីប៉ុន្តែពួកគេក៏ពិបាកនឹងគាបសង្កត់ក្រុមភ្ញៀវដោយស្រួលបានដែរ ។ ហេតុនេះក្រុមទាំងពីរអាចនឹងទទួលបានលទ្ធផលស្មើ ។ បាល់ទាត់យូហ្វាឆេមពានលីគ វគ្គពាក់កណ្តាលផ្តាច់ព្រ័ត្រ ជើងទី 2 សម្រាប់រាត្រីថ្ងៃពុធនេះមាន 1 ប្រកួត ៕
ចែករំលែកព័តមាននេះ