រាជធានីភ្នំពេញ ៖ នារីវ័យក្មេងចង.កម្នាក់សម្លាប់ខ្លួននៅក្នុងបន្ទប់ ធ្វើឲ្យឪពុកម្តាយមានការសោកស្តាយជាខ្លាំង បង្កឲ្យមានការភ្ញាក់ផ្អើលកាលពីវេលាម៉ោង៩យប់ថ្ងៃទី១ ខែឧសភា ឆ្នាំ២០១៨ នៅក្នុងបន្ទប់លើផ្ទះដែលស្ថិតនៅភូមិត្រពាំងអារក្ស សង្កាត់ឪឡោក ខណ្ឌពោធិ៍សែនជ័យ…
រាជធានីភ្នំពេញ ៖ នារីវ័យក្មេងចង.កម្នាក់សម្លាប់ខ្លួននៅក្នុងបន្ទប់ ធ្វើឲ្យឪពុកម្តាយមានការសោកស្តាយជាខ្លាំង បង្កឲ្យមានការភ្ញាក់ផ្អើលកាលពីវេលាម៉ោង៩យប់ថ្ងៃទី១ ខែឧសភា ឆ្នាំ២០១៨ នៅក្នុងបន្ទប់លើផ្ទះដែលស្ថិតនៅភូមិត្រពាំងអារក្ស សង្កាត់ឪឡោក ខណ្ឌពោធិ៍សែនជ័យ ។
នារីចង.កសម្លាប់ខ្លួនមានឈ្មោះ វណ្ឋា និមល អាយុ១៨ឆ្នាំ មុខរបរកម្មកររោងចក្រ រស់នៅ
ភូមិត្រពាំងអារក្ស សង្កាត់ឪឡោក ខណ្ឌពោធិ៍សែនជ័យ មានឪពុកឈ្មោះ លុន វណ្ឋា អាយុ៥២ឆ្នាំ មុខរបរកសិករ និងម្តាយឈ្មោះ ប៉ូច គន្ធា អាយុ៥០ឆ្នាំ មុខរបរកសិករ រស់នៅភូមិកើតហេតុខាងលើ ។
តាមប្រភពព័ត៌មានពីបងប្អូនក្រុមគ្រួសារជនរងគ្រោះបាននិយាយថា នៅមុនពេលកើតហេតុ២ទៅ៣ថ្ងៃមុន នារីខាងលើដោយមិនសូវមាត់មិនសូវ.កមិនដឹងថា មានរឿងអីទេ ។ នៅវេលាម៉ោង៦ល្ងាច នារីរងគ្រោះបានហូបបាយជាមួយបងប្អូនជាធម្មតា បន្ទាប់មកនាងបានឡើងទៅលើផ្ទះចូលក្នុងបន្ទប់របស់នាង ពេលម្ដាយឃើញកូនទៅសម្រាកតាំងពីក្បាលព្រលប់ សង្ស័យថា កូនរបស់គាត់មិនសូវស្រួលខ្លួនរហូតដល់ម៉ោងកើតហេតុ ស្ត្រីជាម្ដាយបានស្រែកហៅកូន តាំងពីក្រោមផ្ទះរហូតដល់លើទល់មុខបន្ទប់ ហើយមិនឮសម្លេងនារីរងគ្រោះឆ្លើយតបជាមួយម្ដាយសោះ ស្ត្រីជាម្តាយ និងឪពុកមានការសង្ស័យបាននាំគ្នាទៅមើលបន្ទប់ តែបន្ទប់នារីរងគ្រោះបានខ្ទាស់ទ្វារពីក្នុង ឪពុកម្ដាយបានធាក់ទ្វារពីក្រៅរបូតគន្លឹះ ស្រាប់តែឃើញកូនរបស់ពួកគាត់បានចង.កស្លាប់បាត់ហើយធ្វើឲ្យឪពុកម្ដាយបាននាំគ្នាយំស្រែកហៅអ្នកជិតខាងជួយដោះសពដាក់មកខាងក្រោម ។ ដោយសារតែសេចក្តីស្រលាញ់ចំពោះកូន ឪពុកម្ដាយ បានស្រែកទ្រហោយំ សោកស្តាយកូនស្រី របស់ពួកគាត់យ៉ាងខ្លាំង ដល់ថ្នាក់ស្ត្រីជាម្ដាយ បានដួលសន្លប់ជាច្រើនដង ។
បងប្អូននារីចង.កសម្លាប់ខ្លួនបានបន្តទៀតថា គ្រួសាររបស់គាត់មានបងប្អូនចំនួន៦នាក់ ក្នុងនោះមានស្រី៥ និងប្រុសម្នាក់ដោយកូនបងជាស្ត្រី មានអាយុ៣១ឆ្នាំ មានប្ដីរួចទៅហើយ ចំណែកនារីចង.កជាកូនទី៣ ។
ចំពោះការចង.កសម្លាប់ខ្លួននេះក្រុមគ្រួសារសពមិនបានដឹងថា កូនស្រីមានរឿងអីក្នុងចិត្តទេ ព្រោះនាងមិនបានបង្ហើបឲ្យសាច់ញាតិដឹងទេ ។ ទាក់ទិននឹងការចង.កសម្លាប់ខ្លួននេះអ្នកជិតខាងសង្ស័យថា មានវិបត្តិស្នេហា ។
ក្រោយពេលកើតហេតុ កម្លាំងនគរបាលប៉ុស្តិ៍ បានមកដល់កន្លែងកើតហេតុ ចំណែកក្រុមគ្រួសារសព ដោយមិនមានការប្ដឹងផ្ដល់ដោយសារ តែកូនរបស់គាត់ចង.កស្លាប់បាត់ហើយ កម្លាំងនគរបាលប៉ុស្តិ៍បានធ្វើលិខិតបដិសេធបណ្ដឹង និងប្រគល់សពឲ្យក្រុមគ្រួសារធ្វើបុណ្យតាមប្រពៃណី ៕
ចែករំលែកព័តមាននេះ