ខេត្តសៀមរាប ៖ កម្មករសំណង់ម្នាក់ ដែលបានធ្វើការរំលោភក្មេងស្រីម្នាក់ អាយុ១៣ឆ្នាំបានសម្រេច ខណៈម្តាយឪពុកកំពុងជាប់រវល់ធ្វើការសំណង់។ ហើយត្រូវបានម្តាយរបស់ក្មេងស្រីរងគ្រោះឃើញចាប់ខ្លួន បានភ្លាមៗ ប្រគល់ឱ្យសមត្ថកិច្ចមូលដ្ឋាន បន្ទាប់ពីជនសង្ស័យកំពុងបានធ្វើសកម្មភាពចាប់រំលោភ…
ខេត្តសៀមរាប ៖ កម្មករសំណង់ម្នាក់ ដែលបានធ្វើការរំលោភក្មេងស្រីម្នាក់ អាយុ១៣ឆ្នាំបានសម្រេច ខណៈម្តាយឪពុកកំពុងជាប់រវល់ធ្វើការសំណង់។ ហើយត្រូវបានម្តាយរបស់ក្មេងស្រីរងគ្រោះឃើញចាប់ខ្លួន បានភ្លាមៗ ប្រគល់ឱ្យសមត្ថកិច្ចមូលដ្ឋាន បន្ទាប់ពីជនសង្ស័យកំពុងបានធ្វើសកម្មភាពចាប់រំលោភ កូនស្រីរបស់ខ្លួន។ ហេតុការណ៍រំលោភក្មេងស្រីនេះ បានកើតឡើងកាលពីវេលាម៉ោង១០ និង៤០នាទី ថ្ងៃទី២៩ ខែមេសា ឆ្នាំ២០១៨ ស្ថិតនៅក្នុងការដ្ឋានសំណង់មួយកន្លែងក្នុងភូមិតាវៀន សង្កាត់សាលាកំរើក ក្រុង/ ខេត្តសៀមរាប។ 
លោកវរសេនីយ៍ឯក ដួង សុខា ប្រធានការិយាល័យនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តសៀមរាប បានប្រាប់នៅថ្ងៃទី០១ ខែឧសភា ឆ្នាំ២០១៨នេះថា ជនសង្ស័យ ដែលត្រូវឃាត់ខ្លួនមានឈ្មោះ រិន វន់ ភេទប្រុស អាយុ១៨ឆ្នាំ មុខរបរកម្មសំណង់ ស្នាក់នៅក្នុង ការដ្ឋានសំណង់ ភូមិតាវៀន សង្កាត់សាលាកំរើក ក្រុងសៀមរាប។ លោកបានបញ្ជាក់ទៀតថា ក្មេងស្រីរងគ្រោះមានឈ្មោះ វ៉ាន់ លោម ភេទស្រី អាយុ១៣ឆ្នាំ។
មូលហេតុ ក្មេងស្រីរងគ្រោះ ដែលត្រូវបានជនសង្ស័យខាងលើចាប់រំលោភនោះគឺ នៅពេលដែលរូបនាងកំពុងឈរដាំបាយក្នុងបន្ទប់ ធ្វើសំណង់ថ្មី ស្ថិតនៅក្នុងភូមិតាវៀន សង្កាត់សាលាកំរើក ក្រុងសៀមរាប។ លោកបានបន្តថា ក្រោយពីសួរនាំរួចមក ជនសង្ស័យបានឆ្លើយសារភាពប្រាប់នៅចំពោះមុខសមត្ថកិច្ចថា រូបគេពិតជាបានធ្វើសកម្មភាពចាប់រំលោភលើក្មេងស្រីរងគ្រោះពិតប្រាកដមែន។ បច្ចុប្បន្ន ជនសង្ស័យត្រូវបានកម្លាំងជំនាញរៀបចំកសាងសុំណុំរឿងបញ្ជូនទៅសាលាដំបូងខេត្តសៀមរាប ដើម្បីចាត់ការតាមផ្លូវច្បាប់៕
https://www.youtube.com/watch?v=uGwzAfOZP04
ចែករំលែកព័តមាននេះ