រាជធានីភ្នំពេញ ៖ ស្ថានទូតអាមេរិកប្រចាំនៅក្រុងភ្នំពេញបានបញ្ជាក់ថា ៖ សូមស្គាល់លោក Mike Pompeo រដ្ឋមន្ត្រីការបរទេសថ្មីនៃសហរដ្ឋអាមេរិក ។ មានជនជាតិអាមេរិកមិនច្រើនទេដែលមានប្រវត្តិរូបការងារផ្សេងៗច្រើន…
រាជធានីភ្នំពេញ ៖ ស្ថានទូតអាមេរិកប្រចាំនៅក្រុងភ្នំពេញបានបញ្ជាក់ថា ៖ សូមស្គាល់លោក Mike Pompeo រដ្ឋមន្ត្រីការបរទេសថ្មីនៃសហរដ្ឋអាមេរិក ។ មានជនជាតិអាមេរិកមិនច្រើនទេដែលមានប្រវត្តិរូបការងារផ្សេងៗច្រើន ដូចលោក Mike Pompeo ។
នេះបើតាមព័ត៌មានពីបណ្តាញសង្គមហ្វេសប៊ុកផ្លូវការរបស់ស្ថានទូតបានផ្សាយ ។ ស្ថានទូតបានអះអាងថា ៖ ដំបូងលោករៀននៅសាលា West Point ជានិពន្ធនាយកឲ្យទស្សនាវដ្តីច្បាប់ Harvard Law Review ជាសហគ្រិនជាសមាជិកសភាអាមេរិក និងជានាយកទីភ្នាក់ងារ CIA ។ ឥឡូវនេះបន្ថែមទៅក្នុងប្រវត្តិរូបនេះ គឺតំណែងជាអ្នកការទូតកំពូលរបស់សហរដ្ឋអាមេរិក ។
លោក Pompeo ដែលមានវ័យ៥៤ឆ្នាំ បានស្បថចូលកាន់តំណែងនៅថ្ងៃទី២៦ ខែមេសា ឆ្នាំ ២០១៨ ជារដ្ឋមន្ត្រីក្រសួងការបរទេសទី៧០ របស់សហរដ្ឋអាមេរិក ដោយរដ្ឋមន្ត្រីការបរទេសអាមេរិកដំបូងគេ គឺលោក Thomas Jefferson ។ ព្រឹទ្ធសភាសហរដ្ឋអាមេរិកបានយល់ព្រម ក្នុងសំឡេង៥៧ទល់នឹង៤២ ឲ្យលោក Pompeo ទទួលតំណែងបន្តពីលោក Rex Tillerson ។
អតីតសមាជិកសភាមកទីក្រុង Wachita ក្នុងរដ្ឋ Kansas គឺជាទីប្រឹក្សាជាទីទុកចិត្តរបស់លោកប្រធានាធិបតី Trump ។ ក្នុងនាមជានាយកទីភ្នាក់ងារ CIA ដោយលោកផ្តល់ព័ត៌មានសម្ងាត់រាល់ថ្ងៃទៅលោកប្រធានាធិបតី នៅក្នុងការិយាល័យរបស់លោកប្រធានាធិបតី ។ លោកចូលគ្រប់គ្រងក្រសួងការបរទេសសហរដ្ឋអាមេរិក ក្នុងពេលដែលបញ្ហាមួយចំនួនទាមទារឲ្យមានការយកចិត្តទុកដាក់ នៅលើឆាកពិភពលោក រាប់ពីប្រទេសកូរ៉េខាងត្បូងដល់ប្រទេសអ៊ីរ៉ង់ ដល់ប្រទេសស៊ីរី រុស្ស៊ី និងប្រទេសចិន ៕
ចែករំលែកព័តមាននេះ