រាជធានីភ្នំពេញ ៖ អង្គភាពប្រឆាំងអំពើរពុករលួយហៅកាត់ថា ACU នៅក្នុងខែមេសា ឆ្នាំ២០១៨ កន្លងមកនេះបានទទួលអ្នកមកប្រកាសទ្រព្យសម្បត្តិចំនួន១១៧២នាក់ និងទទួលបានពាក្យបណ្តឹងចំនួន៤៨ ។ នេះបើការលើកឡើងរបស់លោក…
រាជធានីភ្នំពេញ ៖ អង្គភាពប្រឆាំងអំពើរពុករលួយហៅកាត់ថា ACU នៅក្នុងខែមេសា ឆ្នាំ២០១៨ កន្លងមកនេះបានទទួលអ្នកមកប្រកាសទ្រព្យសម្បត្តិចំនួន១១៧២នាក់ និងទទួលបានពាក្យបណ្តឹងចំនួន៤៨ ។ នេះបើការលើកឡើងរបស់លោក ឱម យ៉ិនទៀង ប្រធានអង្គភាពប្រឆាំអំពើរពុករលួយ ។
លោកឱម យ៉ិនទៀង បានលើកឡើងក្នុងកិច្ចប្រជុំលើកទី២ អាណត្តិនៃក្រុមប្រឹក្សាជាតិ ប្រឆាំងអំពើពុករលួយកាលពីថ្ងៃទី៣០ ខែមេសា នៅទីស្តីការអង្គភាពប្រឆាំងអំពើរពុករលួយក្រោមអធិបតីភាពលោក តុប សំ ប្រធានក្រុមប្រឹក្សាជាតិប្រឆាំងអំពើពុករលួយ ដោយមានសមាជិកចូលរួម៨រូប នៃចំនួនសមាជិកសរុប១១រូបថា សកម្មភាពការងាររបស់អង្គភាពប្រឆាំងអំពើរពុករលួយនៅក្នុងអំឡុងខែមេសា ឆ្នាំ២០១៨ បានទទួលអ្នកមកប្រកាសទ្រព្យសម្បត្តិចំនួន១១៧២នាក់ ដែលក្នុងនោះទទួលបានការតែងតាំងថ្មីចំនួន៩១០នាក់ លាលែងចប់អាណត្តិចំនួន១២៧នាក់ ចូលនិវត្តន៍ចំនួន៦នាក់ និងបញ្ឃប់ពីមុខដំណែងចំនួន១២៩នាក់ ។
លោកប្រធានអង្គភាពក៏បានបញ្ជាក់ថា សម្រាប់ខែមេសានេះដែរ អង្គភាពប្រឆាំងអំពើរពុករលួយបានទទួលពាក្យបណ្តឹងចំនួន៤៨ពាក្យបណ្តឹង ក្នុងបណ្តឹងអនាមិកចំនួន១១ ពាក្យបណ្តឹង ស្មើរនឹង២៣ភាគរយ ។
លោកក៏បានលើកឡើងថា អង្គភាពក៏បានធ្វើសកម្មភាពប្រឆាំងការសម្អាត ប្រាប់ និងហិរញ្ញប្បទានភេរវកម្ម ហើយទាំងធនាគារជាតិដែលមានអង្គភាពស៊ើបការហិរញ្ញវត្ថុជាសេនាធិការទាំងក្រសួងមហាផ្ទៃ ក្រសួងយុត្តិធម៌ ក្រសួងសេដ្ឋកិច្ច និងហិរញ្ញវត្ថុ និងអង្គភាពប្រឆាំងអំពើរពុករលួយសុទ្ធតែមានការរីកចម្រើនថ្មីៗទៀតក្នុងការប្រឆាំងការសម្អាតប្រាក់ ។
ក្រោយពីការស្តាប់ការលើកឡើងរបស់លោកឱម យ៉ុនទៀងរួច លោកតុម សំប្រធានក្រុ មប្រឹក្សាជាតិប្រឆាំងអំពើរពុករលួយបានវាយតម្លៃខ្ពស់ ចំពោះការខិតខំប្រឹងប្រែងរបស់អង្គភាពប្រឆាំងអំពើរពុករលួយ ក្នុងការបន្តជំរុញដោយអត់ធ្មត់ដល់មន្ត្រីជាប់កាតព្វកិច្ច ឲ្យមកប្រកាសទ្រព្យសម្បត្តិ និងបំណុល ។
លោកប្រធានក៏បានជំរុញដល់អង្គភាពប្រឆាំងប្រឆាំងអំពើរពុករលួយបន្តអនុវត្តការអប់រំ បង្កាត់ទប់ស្កាត់ និងប្រឆាំងអំពើពុករលួយនៅតែជាវិធានការស្នួលក្នុងការកាត់បន្ថ យអំពើពុករលួយ ដើម្បីលើកស្ទួយសង្គមឲ្យមានភាពស្អាតស្អំ ៕
ចែករំលែកព័តមាននេះ