រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា មានករណីរថយន្តដឹកថ្មមួយគ្រឿងបានបើកបុកម៉ូតូពីក្រោយ ហើយកិនស្ត្រីម្នាក់ចំដងខ្លួនឡើងបែកខ្ទេច បណ្តាលឲ្យស្លាប់ភ្លាមនៅកន្លែងតែម្តង ។ គ្រោះថ្នាក់ចរាចរណ៍នេះកើតឡើងនៅវេលាម៉ោង១២និង៥០នាទី នៅចំណុចភ្នំពេញហានូយ នៅក្នុងភូមិឃ្មួញ ខណ្ឌសែនសុខ ។
សេចក្តីរាយការណ៍បន្តថា រថយន្តបង្កធុនធំដឹកថ្ម ពណ៌ខៀង ពាក់ស្លាកលេខភ្នំពេញ ៣A-១៣១៥ ។ ចំណែកអ្នកបើកបរត្រូវបានឃាត់ខ្លួន ដែលមានឈ្មោះ មាគ វិបុល ភេទប្រុស ទីកំណើតនៅភូមិទូករទេះ ស្រុកអង្គស្នួល ឃុំលំហាច ខេត្តកណ្តាល ។
រីឯស្ត្រីរងគ្រោះឈ្មោះ អោក កេង ភូមិថ្មគោល១ ឃុំព្រែកតាទែន ស្រុកពញាឮ ខេត្តកណ្តាល ដែលគាត់បានជិះម៉ូតូឌុបម៉ាកសេ១២៥ ស្លាកលេខភ្នំពេញ ១BX-៧៩៦៤ ។
ប្រភពព័ត៌មានបុរសម្នាក់ឈ្មោះ ឡុង ឈឿន អាយុ៣៩ឆ្នាំ គាត់មានមុខរបរជាអ្នករត់ម៉ូតូឌុប នៅភូមិព្រែកតាទែន ស្រុកពញាឮ ខេត្តកណ្តាលបានឲ្យដឹងថា គាត់បានដឹកស្ត្រីរងគ្រោះធ្វើដំណើរថាទៅចោមចៅ លុះដល់ចំណុចកើតហេតុ គាត់ក៏បានបត់ទៅផ្លូវអាកាសខ្ញុំ ពេលកំពុងបត់នោះក៏ស្រាប់តែមានរថយន្តដឹកថ្មនោះមកពីក្រោយបានបុកកិនស្ត្រីរងគ្រោះ បណ្តាលឲ្យស្លាប់នៅកន្លែងតែម្តង ដែលរថយន្តបានកិនខ្ទេចបែកឆ្អឹងដងខ្លួន ។ ដោយគាត់វិញពេលបុកទៅគាត់បានខ្ទាតចេញ សំណាងល្អគាត់បានរួចផុតពីគ្រោះថ្នាក់ ។
គួរបញ្ជាក់ថា ៖ ស្ត្រីរងគ្រោះត្រូវបានកង់រថយន្តកិនឡើងខ្ទេច វល់តែម្តង ថ្លើម សួតផ្ទុះចេញមកខាងក្រៅ បំណែកឆ្អឹងកងខ្នងខ្ទេចខ្ទាតចេញមកខាងក្រៅដែលមើលទៅរន្ធត់ជាទីបំផុត ៕
ព័ត៌មានលម្អិតនឹងមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ