ខេត្តកណ្ដាល ៖ អំណាចនៃកំប៉ុងហ្គាសតូចៗបានផ្ទុះឡើងបណ្ដាលឲ្យផ្ទះ១ខ្នង និងសម្ភារមួយចំនួនឆេះហ្មត់ កាលពីវេលាម៉ោង០៦និង២០នាទីល្ងាច ថ្ងៃទី២៩ ខែមេសា ឆ្នាំ២០១៨ នៅក្រុមទី១៩ ស្ថិតក្នុងភូមិថ្មី២…
ខេត្តកណ្ដាល ៖ អំណាចនៃកំប៉ុងហ្គាសតូចៗបានផ្ទុះឡើងបណ្ដាលឲ្យផ្ទះ១ខ្នង និងសម្ភារមួយចំនួនឆេះហ្មត់ កាលពីវេលាម៉ោង០៦និង២០នាទីល្ងាច ថ្ងៃទី២៩ ខែមេសា ឆ្នាំ២០១៨ នៅក្រុមទី១៩ ស្ថិតក្នុងភូមិថ្មី២ សង្កាត់តាខ្មៅ ក្រុងតាខ្មៅ ខេត្តកណ្ដាល ។
ម្ចាស់ផ្ទះរងគ្រោះឈ្មោះ សំ មេតា្ត ភេទប្រុស អាយុ៣១ឆ្នាំ មុខរបរជំនួយការប្រធានភូមិថ្មី ។ ករណីគ្រោះអគ្គិភ័យនេះបណ្ដាលឲ្យផ្ទះ១ខ្នង ជញ្ជាំងថ្ម ប្រក់ស័ង្កសី ទំហំ៥ម៉ែត្រគុណនឹង៧ម៉ែត្រ រួមទាំងទ្រព្យសម្បតិ្តក្នុងផ្ទះជាច្រើនទៀត ឆេះខូចខាតទាំងស្រុង ។ នៅក្នុងហេតុការណ៍នេះដែរ សមត្ថកិច្ចបានប្រើប្រាស់រថយន្តពន្លត់អគ្គិសភ័យអស់២គ្រឿង ទើបរលត់ទាំងស្រុង ។ និងបានទប់ស្កាត់មិនឲ្យភ្លើងឆេះរាលដាលដល់ផ្ទះដែលនៅជិតគ្នានោះ ។
បើតាមប្រភពព័ត៌មានពីកន្លែងកើតហេតុ បានឲ្យដឹងថា នៅពេលកើតហេតុនោះ ស្ត្រីឈ្មោះ វិន ជាម្ចាស់ផ្ទះ នៅផ្ទះតែម្នាក់ឯង ពេលនោះបានឮសំឡេងផ្ទុះនៅកន្លែងរោងបាយ មួយសន្ទុះក៏មានអណ្ដាតភ្លើងឆេះចេញពីផ្ទះបាយ ស្រែកឆោឡោឡើងហៅអ្នកជិតខាងឱ្យជួយពន្លត់ភ្លើង តែមិនរលត់ និងមិនបានជញ្ជូនសម្ភារចេញទាន់ទេ គឺឆេះអស់ទាំងស្រុងតែម្ដង ៕
ចែករំលែកព័តមាននេះ