ADផ្ទាំងផ្សព្វផ្សាយពាណិជ្ជកម្ម

Picture

លំនៅ​ឋាន​ពលរដ្ឋ​៣​ឃុំ​ ក្នុងស្រុក​ថ្ម ​ដែលរង​ការ​ខូចខាត​ដោយ​ខ្យ​ល់​កន្ត្រាក់

1 ខែ មុន
  • បន្ទាយមានជ័យ

ខេត្តបន្ទាយមានជ័យ ៖ នៅ​ថ្ងៃ​ទី​០៥ ខែឧសភា ឆ្នាំ​២០២៤ វេលា​ម៉ោង​១៥​និង​៣០​នាទី ដល់​ម៉ោង​១៦:៣០​នាទី នៅ​ក្នុងភូមិ​សាស្ត្រ​ស្រុក​ថ្មពួក ខេត្តបន្ទាយមានជ័យ មាន​ភ្លៀង​ធ្លាក់​មួយ​មេ​ធំ​លាយឡំ​ជាមួយ​ខ្យល់​កន្ត្រាក់…

ខេត្តបន្ទាយមានជ័យ ៖ នៅ​ថ្ងៃ​ទី​០៥ ខែឧសភា ឆ្នាំ​២០២៤ វេលា​ម៉ោង​១៥​និង​៣០​នាទី ដល់​ម៉ោង​១៦:៣០​នាទី នៅ​ក្នុងភូមិ​សាស្ត្រ​ស្រុក​ថ្មពួក ខេត្តបន្ទាយមានជ័យ មាន​ភ្លៀង​ធ្លាក់​មួយ​មេ​ធំ​លាយឡំ​ជាមួយ​ខ្យល់​កន្ត្រាក់ បណ្តាល​អោយ​មាន​ផល​ប៉ះពាល់​របើក​ដំបូលផ្ទះ​ប្រជាពលរដ្ឋ​ចំនួន​០៣​ឃុំ​។

លោក​វរសេនីយ៍ទោ ឈឿ​ន គឹ​ម​ឈុ​ន អធិការ​នគរបាល​ស្រុក​ថ្មពួក បាន​ឲ្យ​ដឹង​ថា ភ្លៀង​កក់ខែ​លាយឡំ​ជាមួយ​ខ្យល់​កន្ត្រាក់ បង្ក​ឲ្យ​លំនៅ​ឋាន​របស់​ប្រជាពលរដ្ឋ​រង​ការ​ខូចខាត​មាន ឃុំ​ថ្មពួក​(​ប៉ះពាល់​ចំនួន​០៥​ភូមិ ៖ វត្ត​ចាស់​,​ថ្មពួក​,​កសិណ​,​ភូមិ​ស្វាយ​,​អ្នកតា​) របើក​ដំបូលផ្ទះ​ចំនួន​៤៣​ខ្នង​/​ក្នុង​នោះ​ធ្ងន់​១២​ខ្នង របើក​ស័ង្កសី​ចំនួន​៨០៣​សន្លឹក ។

ឃុំ​គំរូ​(​ប៉ះពាល់​០៤​ភូមិ​៖ គំរូ​,​អណ្តូង​ខ្លុង​,​ផ្សារ​ថ្មី​,​ស្វាយ​ជ្រុំ​) របើក​ដំបូលផ្ទះ​ចំនួន​១៩​ខ្នង​, ជ​ម្រុ​កស្រូវ​០១​ខ្នង , រោង​គោ​០១​ខ្នង​,​បន្ទប់ទឹក​០១​ខ្នង និង​រោង​ដាក់​ឡាន​០១​ខ្នង របើក​ស័ង្កសី​ចំនួន​១៦២​សន្លឹក ។

ចំពោះ​ឃុំ​បន្ទាយឆ្មារ​(​ប៉ះពាល់​ចំនួន​០១​ភូមិ​៖​ដងរ៉ែក​) របើក​ដំបូលផ្ទះ​ចំនួន​០៣​ខ្នង របើក​ស័ង្កសី​ចំនួន​៧៦​សន្លឹក ។

លោក​អធិការ​បញ្ជាក់​ថា សរុប​ការ​ខូចខាត​ទាំង​០៣​ឃុំ របើក​ដំបូលផ្ទះ​ចំនួន​៦៥​ខ្នង ខ្នង​/​ក្នុង​នោះ​ធ្ងន់​១២​ខ្នង និង​ជ​ម្រុ​ក​០១​ខ្នង​,​រោង​គោ​០១​ខ្នង​,​រោង​ដាក់​ឡាន​០១​ខ្នង​,​បន្ទប់ទឹក​០១ របើក​ស័ង្កសី​សរុប​ចំនួន​១០៤៣​សន្លឹក ៕

អត្ថបទសរសេរ ដោយ

កែសម្រួលដោយ