ខេត្តព្រះសីហនុ ៖ សេចក្តីរាយការណ៍បឋមឱ្យដឹងថា ករណីគ្រោះថ្នាក់ចរាចរណ៍យ៉ាងសាហាវនិងរន្ធត់មួយ កើតឡើងកាលវេលាម៉ោង០៨ និង៣០នាទីព្រឹកថ្ងៃទី២៨ មេសា នេះ ស្ថិតលើផ្លូវជាតិលេខ4ត្រង់ចន្លោះគីឡូម៉ែត្រលេខ 141-142…
ខេត្តព្រះសីហនុ ៖ សេចក្តីរាយការណ៍បឋមឱ្យដឹងថា ករណីគ្រោះថ្នាក់ចរាចរណ៍យ៉ាងសាហាវនិងរន្ធត់មួយ កើតឡើងកាលវេលាម៉ោង០៨ និង៣០នាទីព្រឹកថ្ងៃទី២៨ មេសា នេះ ស្ថិតលើផ្លូវជាតិលេខ4ត្រង់ចន្លោះគីឡូម៉ែត្រលេខ 141-142 ក្នុងភូមិអូរជ្រៅ ឃុំបឹងព្រាវ ស្រុកស្រែអំបិល ខេត្តកោះកុង រវាងរថយន្តឡិច
ស៊ីស470 ពណ៌ទឹកមាសមួយគ្រឿង មានទិសដៅពីខេត្តព្រះសីហនុ-ទៅភ្នំពេញ បុកជាមួយរថយន្តដឹកប្រេងសាំងដែលមានទិសដៅពីភ្នំពេញ ទៅខេត្តព្រះសីហនុ បណ្តាលឱ្យផ្ទុះឆាបឆេះយ៉ាងសន្ធោសន្ឋៅពេញផ្លូវ ។
សេចក្តីរាយការណ៍បន្តថា ស្ថិតនៅកន្លែងកើតហេតុ ត្រូវប្រភពឱ្យដឹងថា ហេតុការណ៍នេះ គឺមានមនុស្សឆេះស្លាប់នៅក្នុងរថយន្ត ក៏ប៉ុន្តែនៅមិនទាន់ដឹងថា មានប៉ុន្មាននាក់នោះទេ ។
បច្ចុប្បន្ន គេឃើញកំលាំងអហស្នាក់ការសនិ្តសុខ ៤០២ កំលាំងអធិការនគរបាលស្រុកកំពង់សីលា និងកំលាំងអធិការនគរបាលស្រុកស្រែអំបិលបានចុះទៅកន្លែងកើតហេតុ និងធ្វើការសម្រួលចរាចរណ៍ដើម្បីកុំឱ្យកកស្ទះ ។ ក្នុងនោះ ឃើញមានរថយន្តចុះមកអន្តរាគមន៍បាញ់ចំនួន២គ្រឿង ។
ព័ត៌មានលម្អិតនឹងមានផ្សាយជូនបន្តទៀត ។
ចែករំលែកព័តមាននេះ