រាជធានីភ្នំពេញ ៖ បុរសម្នាក់ត្រូវរថយន្តមិនចាំម៉ាក កៀរបណ្តាលអោយបោកក្បាល អូសជាច្រើនម៉ែត្រស្លាប់ភ្លាមៗនៅលើផ្លូវ៦០ម៉ែត្រ ។ ហេតុការណ៍នេះ បានកើតឡើងនៅវេលាម៉ោង១០ និង៤៥នាទីយប់ថ្ងៃទី២៣ ឧសភា…
រាជធានីភ្នំពេញ ៖ បុរសម្នាក់ត្រូវរថយន្តមិនចាំម៉ាក កៀរបណ្តាលអោយបោកក្បាល អូសជាច្រើនម៉ែត្រស្លាប់ភ្លាមៗនៅលើផ្លូវ៦០ម៉ែត្រ ។
ហេតុការណ៍នេះ បានកើតឡើងនៅវេលាម៉ោង១០ និង៤៥នាទីយប់ថ្ងៃទី២៣ ឧសភា ឆ្នាំ២០២៥ ស្ថិតតាមបណ្ដោយផ្លូវ៦០ម៉ែត្រ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
យោងតាមការបញ្ជាក់ពីពលរដ្ឋបានអោយដឹងថា មុនកើតហេតុ ឮសម្លេងដួលម៉ូតូយ៉ាងខ្លាំង នៅក្បែរកន្លែងគាត់កំពុងសម្រាក ។ ខណៈនោះ គាត់ក៏ស្ទុះរត់ចេញមកមើល បានប្រទះឃើញ បុរសម្នាក់បានដួល បោកក្បាល អូសជាច្រើនម៉ែត្រស្លាប់ភ្លាមៗនៅកន្លែងកើតហេតុ បន្ទាប់ពីជិះម៉ូតូ HONDA CLICK ពាក់ស្លាកលេខ បន្ទាយមានជ័យ 1W-0858 ត្រូវរថយន្ដមិនចាំម៉ាកមួយគ្រឿង បានបើកកៀរ ស្របពេលនោះរថយន្ដរត់គេចខ្លួនបាត់ស្រមោលតែម្តង ។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ចុះមកធ្វើការវាស់វែងយកម៉ូតូទៅរក្សាទុកជាបណ្ដោះអាសន្ន រួចស្រាវជ្រាវរករថយន្ដបង្កមកដោះស្រាយតាមនីតិវិធីច្បាប់ ។
រីឯសពត្រូវបាននគរបាលជំនាញប្រគល់ជូនគ្រួសារសាច់ញាតិយកទៅធ្វើបុណ្យតាមប្រពៃណីនៅស្រុកកំណើត ៕
ចែករំលែកព័តមាននេះ