Steven Gerrard ៖ Salah គឺជាកីឡាករខ្លាំងផ្តាច់គេពេលនេះ
តាមប្រភពព័ត៌មាន Marca បានឲ្យដឹងថា អតីតកាពីទែនរបស់ក្លិបហង្សក្រហម Liverpool លោក Steven Gerrard បានសរសើរកីឡាករអេហ្ស៊ីប Mohamed…
តាមប្រភពព័ត៌មាន Marca បានឲ្យដឹងថា អតីតកាពីទែនរបស់ក្លិបហង្សក្រហម Liverpool លោក Steven Gerrard បានសរសើរកីឡាករអេហ្ស៊ីប Mohamed Salah មិនដាច់ពីមាត់ក្រោយពេលឃើញការប្រកួតនៅពេលថ្មីៗនេះ ។
កីឡាករអាយុ២៥ឆ្នាំ Salah បានស៊ុតបញ្ចូលទីបាន២គ្រាប់ជាមួយនឹងការ Assist បាល់ឱ្យមិត្តរួមក្រុម២ដងទៀតបានធ្វើឲ្យ Liverpool ឈ្នះ Roma នៅវគ្គពាក់កណ្តាលផ្តាច់ព្រ័ត្រ Champions League ជើងទី១ ជាមួយនឹងលទ្ធផល 5-2 ។
ដោយសារតែការលេងដ៏ល្អរបស់កីឡាកររូបនេះលោក Gerrard បានសរសើរប្រាប់ BT Sport ថា «Salah គឺកំពុងតែស្ថិតនៅក្នុងវ័យពេញកម្លាំងហើយ ។ វាពិតជាពិបាកណាស់ក្នុងការយករូបគេទៅប្រៀបជាមួយនឹង Messi និង Ronaldo ដោយសារតែពីរនាក់នេះល្បីយូរហើយ និងបានរក្សាភាពល្បីឈ្មោះបានយូរដែរ» ។ លោកបន្តថា «តែប្រសិនបើមិនគិតពីរឿងនេះទេ Salah អាចហៅបានថាជាកីឡាករខ្លាំងផ្តាច់គេលើលោកហើយនៅពេលនេះ» ៕
ចែករំលែកព័តមាននេះ