តាមប្រភពព័ត៌មាន Sky Sports បានឲ្យដឹងថា អ្នកចាត់ការក្លិបអធិរាជស Zinedine Zidane សង្ឈឹមថាកីឡាករផ្សេងៗទៀតនៅក្នុងក្រុមនឹងរួមគ្នាប្រយុទ្ធជាមួយនឹង Bayern ដោយមិនពឹងតែលើ Ronaldo តែម្នាក់ ។
នេះមកពី Real Madrid បានត្រឹមតែស្មើគ្នាជាមួយនឹង Bilbao កាលពីថ្ងៃពុធជាមួយនឹងលទ្ធផល 1-1 ដោយមួយគ្រាប់នោះ ត្រូវបាន Ronaldo រកជូនក្រុម ។ លទ្ធផលនេះបានធ្វើឲ្យ Real Madrid បានត្រឹមលេខ៣នៅក្នុង La Liga ដែលមាន១៥ពិន្ទុតិចជាង Barcelona ខណៈដែលសល់៥ប្រកួតទៀតដើម្បីបញ្ចប់ ។
នៅក្នុងរដូវកាលនេះ Bayern កំពុងតែឈរបាំងផ្លូវ Real ទៅយកពាន Champions League ដែលជាហេតុធ្វើឲ្យអ្នកចាត់ការជនជាតិបារាំងម្នាក់នេះមានការព្រួយបារម្ភថា សមាជិកក្រុមទាំងអស់ត្រូវរួមគ្នា ដោយមិនចាំបាច់ពឹង Ronaldo តែម្នាក់ នៅក្នុងការប្រកួតវគ្គពាក់កណ្តាលផ្តាច់ព្រ័ត្រ Champions League ថ្ងៃខាងមុខនេះ ៕
ចែករំលែកព័តមាននេះ