ADផ្ទាំងផ្សព្វផ្សាយពាណិជ្ជកម្ម

Picture

ប្រជាពលរដ្ឋ​៩​គ្រួសារ​ដែល​រង​គ្រោះ​ដោយ​ខ្យល់​កន្ត្រាក់​បាន​ទទួល​អំណោយ​មនុស្សធម៌

5 ឆ្នាំ មុន
  • សៀមរាប

ខេត្តសៀមរាប ៖ នា​ថ្ងៃ​ទី​១៦ ខែមេសា ឆ្នាំ​២០១៨ លោក ស៊ុំ សំ​អន នាយក​សាខា​កាកបាទក្រហមកម្ពុជា ខេត្តសៀមរាប​បាន​អញ្ជើញ​ជួប​សំណេះសំណាល…

ខេត្តសៀមរាប ៖ នា​ថ្ងៃ​ទី​១៦ ខែមេសា ឆ្នាំ​២០១៨ លោក ស៊ុំ សំ​អន នាយក​សាខា​កាកបាទក្រហមកម្ពុជា ខេត្តសៀមរាប​បាន​អញ្ជើញ​ជួប​សំណេះសំណាល និង​នាំ​យក​អំណោយ​មនុស្សធម៌​ជូន​ប្រជាពលរដ្ឋ​រង​គ្រោះ​ដោយ​ខ្យល់​កន្ត្រាក់​កាលពី​ល្ងាច​ថ្ងៃ​ទី​១៥ ខែមេសា ឆ្នាំ​២០១៨ ចំនួន​៩​គ្រួសារ (​រលំ​២​គ្រួសារ និង​ប៉ះពាល់​ធ្ងន់ ៧​គ្រួសារ​) ក្នុងភូមិ​ដូន​ស្វា ឃុំ​ចារ​ឈូក ស្រុក​អង្គរជុំ ខេត្តសៀមរាប ។

មាន​ប្រសាសន៍​នា​ឱកាស​នោះ​លោក ស៊ុំ សំ​អន នាយក​សាខា​បាន​ពាំនាំ​នូវ​ការ​ផ្ដាំផ្ញើ​សួរសុខទុក្ខ​ពី​សម្ដេច​កិត្តិ​ព្រឹទ្ធ​បណ្ឌិត ប៊ុ​ន រ៉ា​នី ហ៊ុន​សែន ប្រធាន​កាកបាទក្រហមកម្ពុជា​ក៏​ដូច​ជា​លោក ឃឹម ប៊ុ​ន​សុង ប្រធាន​គណៈកម្មាធិការ​សាខា​ដែល​តែងតែ​យកចិត្តទុកដាក់​គិតគូរ​ចំពោះ​សុខទុក្ខ​ប្រជាពលរដ្ឋ​គ្រប់​រូប​មិន​ប្រកាន់វណ្ណៈ ពណ៌​សម្បុរ ជំនឿ​សាសនា ឬ​និន្នាការ​នយោបាយ​ណាមួយ​ឡើយ ។

លោក​ក៏​បាន​បន្ត​ថា ថ្វី​ត្បិត​តែ​អំណោយ​មនុស្សធម៌​ដែល​បាន​នាំ​យក​មក​ចែក​ជូន​បងប្អូន​នា​ពេល​នេះ​មាន​ចំនួន​តិចតួច​ក្ដី​មិន​សម​ល្មម​នឹង​ការ​ខាតបង់​របស់​បងប្អូន​តែ​ក៏​អាច​ជួយ​សម្រាលទុក្ខ​បាក​របស់​បងប្អូន​បាន​មួយ​កម្រិត ហើយ​ក៏​ជា​ការ​បង្ហាញ​នូវ​ការ​យកចិត្តទុកដាក់​ចំពោះ​ប្រជាពលរដ្ឋ​គ្រប់​រូប​ពី​សំណាក់​ថ្នាក់ដឹកនាំ ពិសេស​គឺ​កាកបាទក្រហមកម្ពុជា​ដូចដែល​បាន​លើក​ឡើង​ថា «​កាកបាទក្រហមកម្ពុជា​មាន​គ្រប់​ទីកន្លែង សម្រាប់​គ្រប់​ៗ​គ្នា​-​មិន​ទុក​នរណា​ម្នាក់​ចោល​» ។

សូម​បញ្ជាក់​ផង​ដែរ​ថា អំណោយ​មនុស្សធម៌​ដែល​បាន​ផ្ដល់​ជូន​នា​ពេល​នេះ​ម្នាក់​ៗ​ទទួល​បាន មុង​១ ភួយ​១ សារុង​១ ក្រមា​១ កន្ទេល​១ តង​១ អង្ករ​២៥​គីឡូក្រាម មី​១​កេស ទឹកត្រី​៣​ដប សម្ភារ​ផ្ទះបាយ​មួយ​ចំនួន និង​ថវិកា​សម្រាប់​គ្រួសារ​ប៉ះពាល់​ធ្ងន់​៥​ម៉ឺន​រៀល ៕

អត្ថបទសរសេរ ដោយ

កែសម្រួលដោយ