តាមប្រភពព័ត៌មាន Goal បានឲ្យដឹងថា ជើងខ្លាំងប្រចាំក្លិបអធិរាជស Cristiano Ronaldo គិតមិនយល់ថា ហេតុអ្វីបានជាអ្នកចាំទីរបស់ក្លិបសេះបង្កង់ Buffon ប្រឆាំងនឹងការសម្រេចចិត្តរបស់អាជ្ញាកណ្តាលក្នុងការឲ្យ Real Madrid ស៊ុតប៉េណាល់ទី ។
ជាមួយនឹងលទ្ធផល 3-0 កាលពីជើងមុន Real Madrid ព្រលឹងចុងសក់ ដោយសារតែជើងនេះ Juventus ក្បែរនឹងស៊ីវិញជាមួយនឹងលទ្ធផល 1-3 ។
នេះពិតជាសំណាងណាស់ដែល Ronaldo បានស៊ុតមួយគ្រាប់ ធ្វើឲ្យក្លិបអធិរាជសទាំងមូលអាចឡើងទៅវគ្គផ្តាច់ព្រ័ត្រ Champions League ។
ក្រោយពីផុតនាទីទី៩០ Mehdi Benatia បានធ្វើឲ្យមានកំហុស ដែលអាជ្ញាកណ្តាលអនុញ្ញាតឲ្យគ្រាប់ប៉េណាល់ទីមក Real Madrid។ Buffon មានការជំទាស់ទៅនឹងការសម្រេចចិត្តរបស់អាជ្ញាកណ្តាលទាំងស្រុង ខណៈដែលការប្រកួតនេះអាចជាការប្រកួតចុងក្រោយនៅក្នុងអាជីពអ្នកចាំទីរបស់គេ ។
Ronaldo បាននិយាយថា ៖ « ខ្ញុំពិតជាមិនយល់មែន ហេតុអ្វីបានជាពួកគេមិនសុខចិត្តបែបនេះ ។ បាល់ទាត់ គឺវាអ៊ីចឹងហើយ ។ ប្រសិនបើទោះបីជាពួកគេមិនមានកំហុសទេ ក៏ Lucas អាចស៊ុតចូលទីបានដែរ ។
ពួកយើងសប្បាយចិត្តណាស់ដែលអាចមកប្រកួតក្នុងវគ្គពាក់កណ្តាលផ្តាច់ព្រ័ត្រនេះ។”
គួរបញ្ជាក់ផងដែរថា Madrid នឹងឡើងទៅវគ្គផ្តាច់ព្រ័ត្រជាមួយនឹង Bayern Munich, Roma និង Liverpool ៕
ប្រភព៖ http://www.goal.com/en/news/i-dont-know-why-buffon-was-protesting-ronaldo/vg0bvqna4n771reznx50bqfbu
ចែករំលែកព័តមាននេះ