កុំពិសាទឹកតែក្ដៅរបស់អ្នក ទឹកតែសំរាប់ពេលព្រឹករបស់អ្នកគួរតែមិនសូវក្ដៅឬក្ដៅល្មមបានហើយ ។ ការពិសាទឹកតែក្ដៅអាចធ្វើឱ្យអ្នកមានឱកាសកើតជំងឺមហារីកបំពង់អាហារ៤ដងជាងមនុស្សធម្មតា នេះបើយោងតាមការសិក្សា ។
កត្ដាផ្សេងទៀតដែលបង្កឱ្យកើតជំងឺមហារីកដែរដូចជា ការចុកថ្នាំជក់ ការជក់បារី និងការពិសាភេសជ្ជៈផ្ទុកសារធាតុអាល់កុលច្រើនពេក ។ យោងតាមការសិក្សាលើការគ្រប់គ្រងករណីនេះបានឱ្យដឹងថា ការផឹកតែក្ដៅធ្វើឱ្យរលាកបំពង់អាហារដោយសារកំដៅនៃទឹកតែរហូតដល់ងាប់កោសិកានៃបំពង់អាហារ ។
ក្នុងប្រទេសឥណ្ឌា ប្រជាជនភាគច្រើនចូលចិត្ដពិសាតែក្ដៅណាស់ ។ យើងបានរកឃើញថាការពិសាទឹកតែក្ដៅពិតជាមានគ្រោះថ្នាក់ដល់សុខភាពជាងអ្នកដែលពិសា ទឹកតែក្ដៅល្មម ឬមិនសូវក្ដៅ ។ ការកើតមានឡើងនូវជំងឺនេះភាគច្រើននៅប្រទេសត្រជាក់ ដូចជានៅតំបន់កាស្មៀរជាដើម ដែលពួកគេនិយមពិសាទឹកតែក្ដៅជាប្រចាំធ្វើឱ្យមានអ្នកកើតជំងឺមហារីកបំពង់អាហារប្រមាណ៨០០នាក់ជារៀងរាល់ឆ្នាំនៅតំបន់នោះ ។
យោងតាមការសិក្សាពីអត្រានៃការកើតជំងឺមហារីកបំពង់អាហារបង្ហាញថា អ្នកនិយមចុកថ្នាំជក់អាចកើតជំងឺនេះ១,១ដង ខណៈអ្នកជក់បារីអាចកើតរោគនេះ២ដង ជាងមនុស្សធម្មតា ។ ចំណែកអ្នកដែលនិយមពិសាភេសជ្ជៈដែលមានសារធាតុអាល់កុលច្រើន(ស្រា)អាចកើតជំងឺនេះ១,៨ដង ជាងមនុស្សធម្មតា ។ ដោយឡែកចំពោះអ្នកពិសាកាហ្វេក្ដៅមិនបង្កជាគ្រោះថ្នាក់ឱ្យកើតជំងឺមហារីកបំពង់អាហារនោះទេ ផ្ទុយ ទៅវិញការទទួលទានអាហារក្ដៅឬហឹរអាចកើតជំងឺនេះបាន ។ ការទទួលទានត្រីស្រស់អាចកាត់បន្ថយគ្រោះថ្នាក់នៃការកើតជំងឺមហារីកបំពង់អាហារបាន២០ភាគរយ ៕
ចែករំលែកព័តមាននេះ