តាមប្រភពព័ត៌មាន Metro បានឲ្យដឹងថា កីឡាករបាល់ទាត់ម្នាក់ស្រវឹងស្រាប្រាប់ប៉ូលិសឲ្យឆែក Google មើល ប្រសិនបើមិនជឿថាខ្លួនជាមហាសេដ្ឋី ។ ការអួតអាងបែបនេះ កើតឡើងក្រោយពេលប៉ូលិសចាប់ខ្លួនពីបទបើកបរក្រោមឥទ្ធិពលគ្រឿងស្រវឹង…
តាមប្រភពព័ត៌មាន Metro បានឲ្យដឹងថា កីឡាករបាល់ទាត់ម្នាក់ស្រវឹងស្រាប្រាប់ប៉ូលិសឲ្យឆែក Google មើល ប្រសិនបើមិនជឿថាខ្លួនជាមហាសេដ្ឋី ។ ការអួតអាងបែបនេះ កើតឡើងក្រោយពេលប៉ូលិសចាប់ខ្លួនពីបទបើកបរក្រោមឥទ្ធិពលគ្រឿងស្រវឹង ។
ដីកាចាប់ខ្លួនអតីតកីឡាករក្លិប West Brom ឈ្មោះ James Hurst ត្រូវបានធ្វើឡើងនៅតុលាការ Llandudno ភាគខាងជើងនៃប្រទេសវែល កាលពីថ្ងៃព្រហស្បត្តិ៍កន្លងទៅ ។ ប៉ូលិសឈ្មោះ Sam Smith បានប្រាប់តុលាការថា «គេបានអួតថា គេជាសេដ្ឋី ហើយនឹងជះលុយលើការពិន័យដោយមិនខ្វល់» ។ ប៉ូលិសបានបន្តថា «គេបានប្រាប់ថា បើមិនជឿទេ ទៅឆែក Google មើលទៅ» ។
គួរបញ្ជាក់ផងដែរថា ប៉ូលិសចាត់ទុកការលើកឡើងរបស់កីឡាករមិនល្បីឈ្មោះម្នាក់នេះជាការអួតអាង ដោយមិនបានស្តែងជាការដឹងខុសអ្វីសោះ ៕
ចែករំលែកព័តមាននេះ