ខេត្តមណ្ឌលគិរី ៖ រយៈពេលពីរថ្ងៃ២៨-២៩ ខែមីនា ឆ្នាំ២០១៨ គ្រួសាររងគ្រោះដោយសារគ្រោះអគ្គីភ័យ ជនពិការ និងជនទីទ័លក្រចំនួន៤គ្រួសារ រស់នៅស្រុកកែវសីមា និងកុមារស្វឹតដៃជើងនៅស្រុកពេជ្រាដា…
ខេត្តមណ្ឌលគិរី ៖ រយៈពេលពីរថ្ងៃ២៨-២៩ ខែមីនា ឆ្នាំ២០១៨ គ្រួសាររងគ្រោះដោយសារគ្រោះអគ្គីភ័យ ជនពិការ និងជនទីទ័លក្រចំនួន៤គ្រួសារ រស់នៅស្រុកកែវសីមា និងកុមារស្វឹតដៃជើងនៅស្រុកពេជ្រាដា រួមនឹងគ្រួសារក្មេងស្រី អាយុ៤ឆ្នាំ ដែលរងគ្រោះដោយសារលង់ទឹកស្រះស្លាប់ នៅស្រុកអូររាំង ត្រូវបានសាខាកាកបាទក្រហមកម្ពុជាខេត្តមណ្ឌលគិរីចុះចែកអំណោយជាបន្តបន្ទាប់ ។
ដើម្បីឆ្លើយតបរាល់ទុក្ខលំបាករបស់ប្រជាពលរដ្ឋដែលជួបគ្រោះអគ្កីភ័យ ជនពិការ គ្រួសារខ្វះខាតជីវភាពប្រចាំថ្ងៃ កុមារកំព្រា កាលពីថ្ងៃទី២៨ ខែមីនា ឆ្នាំ២០១៨ សាខាកាកបាទក្រហមកម្ពុជាខេត្តមណ្ឌលគិរីដឹកនាំដោយ លោក អាន សុឃីម នាយករងសាខា រួមជាមួយលោក នួន សារ៉ន ប្រធានកិត្តិយសអនុសាខាស្រុកកែវសីមា អមដំណើរដោយមន្ត្រីសាខា អនុសាខា និងយុវជនកាកបាទក្រហមកម្ពុជា បានអញ្ជើញចុះសួរសុខទុក្ខ និងនាំយកអំណោយមនុស្សធម៌ មកជូនដល់គ្រួសាររងគ្រោះដោយសារគ្រោះអគ្គីភ័យ ជនពិការ និងជនទីទ័លក្រចំនួន៤គ្រួសារ រស់នៅស្រុកកែវសីមា ខេត្តមណ្ឌលគិរី ។
លោក អាន សុឃីម នាយករងសាខាកាកបាទក្រហមកម្ពុជាខេត្តបានពាំនាំនូវប្រសាសន៍ផ្ដាំផ្ញើសួរសុខទុក្ខ និងក្ដីនឹករលឹកពីសំណាក់លោក ស្វាយ សំអ៊ាង ប្រធានគណៈកម្មាធិការសាខា ពិសេសសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាលសម្ដេចតែងតែគិតគូរសុខទុក្ខប្រជាពលរដ្ឋក្រីក្រមានទុក្ខលំបាក ជនរងគ្រោះ ជនងាយរងគ្រោះ ដោយមិនប្រកាន់រើសអើង ឬនិន្នាការនយោបាយអ្វីឡើយ ។
លោកនាយរងសាខាបានបន្ថែមថា កាកបាទក្រហមកម្ពុជាមានគ្រប់ទីកន្លែងសម្រាប់គ្រប់ៗគ្នាឲ្យតែទីណាមានទុក្ខលំបាកទីនោះតែងតែមានវត្តមានកាកបាទក្រហមកម្ពុជាជានិច្ច ។ ជាក់ស្តែងគ្រួសារចំនួន០៤ ដែលរងគ្រោះដោយសារគ្រោះអគ្គីភ័យ ជនពិកា និងគ្រួសារខ្វះខាតជីវភាព ប្រចាំថ្ងៃ និងកុមារកំព្រា នៅស្រុកកែវសីមា ក្នុងនោះគ្រួសារនីមួយៗទទួលបាន ៖ អង្ករចំនួន២៥គីឡូក្រាម , មី១កេស, ទឹកសុទ្ឋ១កេស, ទឹកត្រី១លីត្រ, ទឹកស៊ីអ៊ីវ១លីត្រ, ប្រេងឆា១លីត្រ, ត្រីខ១យួរ, អំបិល១គក្រ, ឃីត១កញ្ចប់, កន្ទេល១ និងថវិកាមួយចំនួន ៕
ចែករំលែកព័តមាននេះ